ଭୁବନେଶ୍ବର: ରାଜଧାନୀରେ ଯୁବକଙ୍କୁ ଅପହରଣ ଉଦ୍ୟମ । ଅପହୃତାଙ୍କ କବଳରୁ ଉଦ୍ଧାର ହେଲେ ଯୁବକ। ପୋଲିସ ପହଞ୍ଚି ଯୁବକଙ୍କୁ ଉଦ୍ଧାର କରିବା ପରେ ଅପହରଣକାରୀଙ୍କୁ ଗିରଫ କରିଛି । ତେବେ ଏହି ଅପହରଣ ପଛରେ ଯୁବକଙ୍କ ପ୍ରେମିକା ଥିବା ଜଣାପଡିଛି ।
ଏହା ବି ପଢନ୍ତୁ: ବେଆଇନ ଲିଙ୍ଗ ନିରୂପଣ ଘଟଣା, ଜେଲ ଗଲେ ଲ୍ୟାବ୍ର ୨ କର୍ମଚାରୀ
ପ୍ରେମ କରି ବିବାହ ନ କରିବାରୁ ପ୍ରେମିକକୁ ଅପହରଣ ପାଇଁ ପ୍ଲାନ ରଚିଥିଲେ ପ୍ରେମିକା । ଏନେଇ କିଛି ଯୁବକ ଓ କିନ୍ନରଙ୍କ ଜରିଆରେ ରଚିଥିଲେ ଷଡଯନ୍ତ୍ର । ଯୁବକ ଜଣକ ଉଦ୍ଧାର ପରେ କିନ୍ନରକୁ ଗିରଫ କରିଛି ପୋଲିସ । ତେବେ ଅପହରଣ ସମ୍ପର୍କରେ ଜଣାନପଡିବା ପାଇଁ କିନ୍ନରଙ୍କୁ କରାଯାଇଥିଲା ବ୍ୟବହାର। ତେବେ ଅପହରଣର ଶିକାର ହୋଇଥିବା ଯୁବକଙ୍କୁ ତାଙ୍କ ନୟାପଲୀସ୍ଥିତ ଘରୁ ଅପହରଣ କରି ବନ୍ଦୀ କରି ରଖିଥିଲେ ଅପହରଣକାରୀ । ଅନ୍ୟପଟେ ଏଥିରେ ସମ୍ପୃକ୍ତ ପ୍ରେମିକା ଓ ଅନ୍ୟ ଅଭିଯୁକ୍ତଙ୍କୁ ଖୋଜୁଛି ପୋଲିସ ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
