ଭୁବନେଶ୍ବର: ବହୁ ପ୍ରତୀକ୍ଷିତ ହରିଦାସପୁର-ପାରାଦୀପ ରେଳପଥର ପରୀକ୍ଷାମୂଳକ ମାଲବାହୀ ଟ୍ରେନ ଚଳାଚଳ ଆରମ୍ଭ କରିଛି । ତେବେ ଏହି ମାଲବାହୀ ଟ୍ରେନ ଆରମ୍ଭ ଦିନ ଠାରୁ ହିଁ କିଛି ଅଞ୍ଚଳରେ ଏହାକୁ ବିରୋଧ କରାଯିବା ସହ ଟ୍ରେନ ରୋକ କରାଯାଇଥିଲା। ଯାହାକୁ ନେଇ ପୂର୍ବତଟ ରେଳପଥ ପକ୍ଷରୁ ଏପରି ନ କରିବାକୁ ଜନସାଧାରଣଙ୍କୁ ଶନିବାର ନିବେଦନ କରାଯାଇଛି।
ତେବେ ଏହାକୁ ନେଇ କେନ୍ଦ୍ରାପଡା ଜିଲ୍ଲାର ଲୋକପ୍ରତିନିଧିମାନେ ଅସନ୍ତୋଷ ପ୍ରକାଶ କରିବା ସହ କେନ୍ଦ୍ର ରେଳମନ୍ତ୍ରୀ ଏନେଇ ସ୍ପଷ୍ଟୀକରଣ ଦେବାକୁ କୁହାଯାଇଛି। ରେଳବାଇ କର୍ତ୍ତୃପକ୍ଷଙ୍କ ବିଭିନ୍ନ ଚିଠିକୁ ନଜରରେ ରଖି ଜିଲ୍ଲାର ବିଧାୟକମାନେ କହିଛନ୍ତି ଯେ 'ରେଳପଥର କାର୍ଯ୍ୟ ଶେଷ ହେବା ପରେ ଟ୍ରେନ ଚଳାଚଳ ଆରମ୍ଭ କରିଛି'। ତେବେ ପୂର୍ବତଟ ରେଳବାଇ ପକ୍ଷରୁ ଏହାକୁ ଟ୍ରାଏଲ ରନ କୁହାଯାଉଥିବା ବେଳେ ସେମାନେ ଏହାକୁ ମିଥ୍ୟା ବୋଲି କହିଛନ୍ତି।
କେବେ ଚାଲିବ ହରିଦାସପୁର-ପାରାଦୀପ ପାସେଞ୍ଜର ଟ୍ରେନ; ଜବାବ ଦିଅନ୍ତୁ ରେଳମନ୍ତ୍ରୀ