ଭୁବନେଶ୍ବର: ରାଜ୍ୟରେ ଏବେ ଚାଲିଛି ଦୁର୍ନୀତି ନିବାରଣ ସପ୍ତାହ। ଦୁର୍ନୀତି ନିବାରଣ ପାଇଁ ଚାଲିଛି ବିଭିନ୍ନ ସଚେତନତା ମୂଳକ କାର୍ଯ୍ୟକ୍ରମ। ଯାହାର ଏକ ଝଲକ ଦେଖିବାକୁ ମିଳିଛି ରାଜଧାନୀ ଭୁବନେଶ୍ବରରେ । ଦୁର୍ନୀତିଖୋର ଲୋକଙ୍କୁ ସଚେତନ କରିବା ପାଇଁ ମାଧ୍ୟମ ସାଜିଛନ୍ତି ସ୍କୁଲ ଓ କଲେଜ ଛାତ୍ରଛାତ୍ରୀ।
ଦୁର୍ନୀତି ନିବାରଣ ସପ୍ତାହ ଅବସରରେ ଭିଜିଲାନସ ପକ୍ଷରୁ ବୁଧବାର ରୋଡ ଶୋ'ର ଆୟୋଜନ କରାଯାଇଥିଲା । ଭୁବନେଶ୍ବରର ବିଭିନ୍ନ ସ୍କୁଲ କଲେଜର ଛାତ୍ରଛାତ୍ରୀ ଏହି ରୋଡ ଶୋ' ରେ ଅଂଶଗ୍ରହଣ କରିଥିଲେ । ପ୍ଲାକାର୍ଡ ଧରି କିପରି ଦୁର୍ନୀତି ନିବାରଣ କରାଯାଇ ପାରିବ ସେନେଇ ବାର୍ତ୍ତା ଦେଇଥିଲେ ଛାତ୍ରଛାତ୍ରୀ । ଏହି ରୋଡ ଶୋ' ଏକାମ୍ର ହାଟରୁ ବାହାରି ମାଷ୍ଟରକ୍ୟାଣ୍ଟିନ ପର୍ଯନ୍ତ ପହଞ୍ଚିଥିଲେ। ସେଠାରେ ରଙ୍ଗୋଲି ଓ ପଥପ୍ରାନ୍ତ ନାଟକ ଜରିଆରେ ଦୁର୍ନୀତିଖୋର ଲୋକଙ୍କୁ ବାର୍ତ୍ତା ଦେଇଥିଲେ ସେମାନେ । ତେବେ ଚଳିତ ବର୍ଷର ଥିମ 'ଇଣ୍ଟିଗ୍ରିଟି ଦ ୱେ ଅଫ ଲାଇଫ' ରହିଛି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ