ଭୁବନେଶ୍ବର: ରାଜ୍ୟରେ ଲାରି ରହିଛି ଟିକା ଅଭାବ । ଫଳରେ ପ୍ରତିଦିନ ହେଉଥିବା ଟୀକାକରଣକୁ କମାଇ ଦେଇଛି ସ୍ବାସ୍ଥ୍ୟ ବିଭାଗ । ଟିକା ନ ଥିବାରୁ ଆଜି(ରବିବାର) କେବଳ 4ଟି ଜିଲ୍ଲାର 12ଟି କେନ୍ଦ୍ରରେ ଟୀକାକରଣ ହେବ । ଅନ୍ୟ ସବୁ ଜିଲ୍ଲା ଓ ଟୀକାକରଣ କେନ୍ଦ୍ରରେ ସମୂର୍ଣ୍ଣ ବନ୍ଦ ରହିବ ଟିକା ପ୍ରଦାନ ।
ସ୍ବାସ୍ଥ୍ୟବିଭାଗର ସୂଚନା ଅନୁସାରେ, ଗଞ୍ଜାମର 4ଟି, ନବରଙ୍ଗପୁର 4ଟି. ପୁରୀର 3ଟି, ସୁନ୍ଦରଗଡର ଗୋଟିଏ କେନ୍ଦ୍ରରେ ଟିକାଦାନ କରାଯିବ । ବର୍ତ୍ତମାନ ରାଜ୍ୟରେ ମାତ୍ର 41 ହଜାର, 290 ଡୋଜ କୋଭିସିଲ୍ଡ ଓ 3 ଲକ୍ଷ 54 ହଜାର 130 କୋଭାକ୍ସିନ ଟିକା ଉପଲବ୍ଧ ରହିଛି ।