ଭୁବନେଶ୍ବର:ବିଶିଷ୍ଟ ସମାଜସେବୀ ପଦ୍ମଶ୍ରୀ ଶାନ୍ତି ଦାସଙ୍କୁ ଭେଟିଛନ୍ତି କେନ୍ଦ୍ର ରେଳମନ୍ତ୍ରୀ ଅଶ୍ବିନୀ ବୈଷ୍ଣବ । ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶକ୍ରମେ ସେ ପଦ୍ମଶ୍ରୀଙ୍କୁ ଭେଟି ଆଶୀର୍ବାଦ ଗ୍ରହଣ କରିଛନ୍ତି ବୋଲି କହିଛନ୍ତି ରେଳମନ୍ତ୍ରୀ । ତେବେ ଓଡ଼ିଶାକୁ ୩ ଦିନିଆ ଗସ୍ତରେ ଆସିଥିବା ରେଳମନ୍ତ୍ରୀ ତାଙ୍କ କାର୍ଯ୍ୟକ୍ରମ ମଧ୍ୟରେ ପଦ୍ମଶ୍ରୀଙ୍କୁ ଭେଟିଛନ୍ତି ।
ଓଡିଶା ଗସ୍ତରେ ଆସିଥିବା ଦୁଇ କେନ୍ଦ୍ର ମନ୍ତ୍ରୀ ଗୁରୁବାର ପୁରୀ ସତ୍ୟବାଦୀ ବିଦ୍ୟାଳୟ ପରିଦର୍ଶନ କରିବା ସହିତ ଶ୍ରୀମନ୍ଦିରରେ ମହାପ୍ରଭୁଙ୍କୁ ଦର୍ଶନ କରିଥିଲେ । ଦୁଇ ଓଡ଼ିଆ ମନ୍ତ୍ରୀ ବଡ଼ ଦାୟିତ୍ବ ଗ୍ରହଣ କରିଥିବାରୁ ଏହି କ୍ଷେତ୍ରରେ ଓଡ଼ିଶାର ଉନ୍ନତି କରିବା ପାଇଁ ମହାପ୍ରଭୁଙ୍କ ଆଶୀର୍ବାଦ ଭିକ୍ଷା କରିଥିଲେ । ସେମାନେ ରାଜ୍ୟରେ ପହଞ୍ଚିବା ପରେ ତାଙ୍କୁ ଦଳୀୟ କର୍ମୀମାନେ ଆଡ଼ମ୍ବରରେ ସ୍ବାଗତ କରିଥିଲେ । ତେବେ ବିଜେପି ପକ୍ଷରୁ ଆରମ୍ଭ ହୋଇଥିବା ଜନ ଆଶୀର୍ବାଦ ଯାତ୍ରା ଯୋଗୁଁ ଏହି ୨ ମନ୍ତ୍ରୀ ଓଡ଼ିଶା ଗସ୍ତରେ ଆସିଛନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ