ଭୁବନେଶ୍ବର: ରାଜଧାନୀରେ ବଢ଼ିବାରେ ଲାଗିଛି ଲୁଟପାଟ । ତେବେ ରାଜଧାନୀରେ ବାଂଲାଦେଶୀ ଲୁଟେରା ଆତଙ୍କ ଖେଳାଇବା ସହ ଘଟଣାସ୍ଥଳରୁ ଫେରାର ହୋଇ ଯାଉଛନ୍ତି । ଏମିତି ଏକ ଘଟଣା ଘଟିଛି ଚନ୍ଦ୍ରଶେଖରପୁରର ଜଣେ ପୂର୍ବତନ ସେନା ଅଧିକାରୀଙ୍କ ଘରେ । ଛୋଟ ଛୁଆ ବେକରେ ଛୁରୀ ଲଗାଇ କଳାକନା ବୁଲାଇଥିଲେ ଲୁଟେରା ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ତେବେ ଘଟଣାକୁ ୪ ମାସ ବିତିଯାଇଥିଲେ ମଧ୍ୟ ପୋଲିସ ଅଭିଯୁକ୍ତଙ୍କୁ ଧରିବାରେ ସକ୍ଷମ ହୋଇପାରିନଥିଲା । ହେଲେ ଦିଲ୍ଲୀ ପୋଲିସ ଏବେ ଏକ ବାଂଲାଦେଶୀ ଲୁଟେରା ଗ୍ୟାଙ୍ଗକୁ ଗିରଫ କରିଛି । ପଚରାଉଚରା ସମୟରେ ସେମାନେ ଭୁବନେଶ୍ବରରୁ ମଧ୍ୟ ଲୁଟ କରିଥିବା ସ୍ବୀକାର କରିଥିଲେ । ଦିଲ୍ଲୀ ପୋଲିସ ନିର୍ଦ୍ଦେଶ କ୍ରମେ ଆଜି ଦୁଇ ବାଂଲାଦେଶୀଙ୍କୁ ଆଣି କୋର୍ଟରେ ହଜାର କରିଛି କମିଶନରେଟ ପୋଲିସ । ତେବେ କୋର୍ଟ ଅନୁମତିରେ ସେମାନଙ୍କୁ ୩ ଦିନିଆ ରିମାଣ୍ଡରେ ଆଣିଛି କମିଶନରେଟ ପୋଲିସ ।