ଭୁବନେଶ୍ବର:6 ଦଫା ଦାବି ନେଇ ରାଜରାସ୍ତାକୁ ଓହ୍ଲାଇଲେ ଟ୍ରକ ମାଲିକ ସଙ୍ଘ । ଏନେଇ ଆଜି ଭୁବନେଶ୍ବର ସ୍ଥିତ ଲୋୟର ପିଏମଜିରେ ଧାରଣା ଦେଇଛନ୍ତି ଟ୍ରକ ମାଲିକ ସଂଘର ସଦସ୍ୟମାନେ । ମହାମାରୀ ସମୟରେ ରୋଡ଼ ଟିକସ ଏବଂ ସମସ୍ତ ପ୍ରକାର ଫାଇନ୍ ଏବଂ ଭିସିଆର ଦୁଇବର୍ଷ ପାଇଁ ଛାଡ଼ କରାଯାଉ । ସାମ୍ପ୍ରତିକ କୋରୋନା ମହାମାରୀ ସମୟରେ ଓଡ଼ିଶାର ସମସ୍ତ କାର୍ଯ୍ୟ ବନ୍ଦ ଥିବାବେଳେ ଅଳ୍ପ କିଛି ମାତ୍ରାରେ ଟ୍ରକ ଜରୁରୀକାଳୀନ ମାଲ ପରିବହନରେ ଲାଗିଥିଲା । ଫଳରେ ଲକ୍ଷାଧିକ ଟ୍ରକ ଆଜି ପର୍ଯ୍ୟନ୍ତ ଭଡ଼ା କରିପାରୁନଥିବା ହେତୁ ବ୍ୟାଙ୍କ କିସ୍ତି ପରିଷୋଧ କରିପାରୁ ନାହାଁନ୍ତି । ତେଣୁ ଆମେ ସରକାରଙ୍କୁ ପ୍ରାର୍ଥନାକ କରୁଛି ଯେ , ଦୁଇବର୍ଷ ପାଇଁ ମୋରୋଟୋରିୟମ ଦିଆଯାଉ ଏବଂ ରାସ୍ତାରୁ ବ୍ୟାଙ୍କ ଏବଂ ଫାଇନାନ୍ସ କର୍ମଚାରୀଙ୍କ ଦ୍ଵାରା ଗାଡ଼ି ଭିଡ଼ା ଜୁଲମକୁ ବନ୍ଦ କରାଯାଉ ବୋଲି କହିଛି ଟ୍ରକ ମାଲିକ ସଂଘ।
6 ଦଫା ଦାବି ନେଇ ରାଜରାସ୍ତାକୁ ଓହ୍ଲାଇଲା ଟ୍ରକ ମାଲିକ ସଙ୍ଘ