ଭୁବନେଶ୍ବର:କୋଭିଡ଼ କଟକଣା ଭିତରେ ବିଧାନସଭାର ଶୀତକାଳୀନ ଅଧିବେଶନ ନେଇ ବାଚସ୍ପତି ସୂର୍ଯ୍ୟ ନାରାୟଣ ପାତ୍ରଙ୍କ ସୂଚନା । ବିଧାନସଭାର ଶୀତକାଳୀନ ଅଧିବେଶନ ନଭେମ୍ବର 20ରୁ ଡିସେମ୍ବର 31 ଯାଏଁ ଚାଲିବ । ଦିନକୁ ସାଢେ 4 ଘଣ୍ଟା ଶୀତକାଳୀନ ଅଧିବେଶନ ହେବାସହ ମୌସୁମୀ ଅଧିବେଶନ ଢାଞ୍ଚାରେ ଶୀତ ଅଧିବେଶନ ବସିବ ବୋଲି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର କହିଛନ୍ତି ।
ଇ-ବିଧାନସଭା ପାଇଁ କର୍ମଚାରୀଙ୍କୁ ପ୍ରଶିକ୍ଷଣ
ସେପଟେ ପ୍ରଶ୍ନକାଳ ହେବ କି ନାହିଁ ତାହା ସ୍ଥିର ହୋଇ ନଥିବା ବେଳେ ନିୟମ ଅନୁସାରେ, ସବୁ କାର୍ଯ୍ୟ ହେବ ବୋଲି ବାଚସ୍ପତି କହିଛନ୍ତି । ତେବେ ଆସନ୍ତାକାଲି (ଶୁକ୍ରବାର) ଠାରୁ ଇ-ବିଧାନସଭା ପାଇଁ କର୍ମଚାରୀମାନଙ୍କୁ ପ୍ରଶିକ୍ଷଣ ଦିଆଯିବ ।
ମୌସୁମୀ ଅଧିବେଶନ ଢାଞ୍ଚାରେ ବସିବ ବିଧାନସଭାର ଶୀତ ଅଧିବେଶନ । 40ଦିନ ଧରି ଚାଲିବ ବିଧାନସଭାର ଶୀତ ଅଧିବେଶନ । କୋଭିଡ କଟକଣା ନିୟମକୁ ପାଳନ କରି ମୌସୁମୀ ଅଧିବେଶନ ଢାଞ୍ଚାରେ ଅଧିବେଶନ ଚଳାଇବା ପାଇଁ ବାଚସ୍ପତି ନିଷ୍ପତ୍ତି ନେଇଛନ୍ତି ।