ଭୁବନେଶ୍ବର: ଆସନ୍ତା 15ରୁ ଆରମ୍ଭ ହେବାକୁ ଯାଉଛି ରାଜ୍ୟର ଚତୁର୍ଦ୍ଦଶ ତୋଷାଳି ହସ୍ତଶିଳ୍ପ ମେଳା । ରାଜଧାନୀର ଜନତା ମଇଦାନ ଠାରେ ଅନୁଷ୍ଠିତ ହେବାକୁ ଥିବା ଏହି ମେଳାରେ ଚଳିତବର୍ଷ 380 ଗୋଟି ଷ୍ଟଲରେ ଉଭୟ ହସ୍ତତନ୍ତ ଓ ହସ୍ତଶିଳ୍ପର ସାମଗ୍ରୀ ପ୍ରଦର୍ଶିତ ହେବ ।
15ରୁ ତୋଷାଳି ମେଳା ଆରମ୍ଭ
ଏହି ତୋଷାଳି ମେଳାରେ ସାରା ଦେଶରୁ ଆସିଥିବା 280ଜଣ ହସ୍ତଶିଳ୍ପ କାରିଗର ଓ ବୁଣାକାର ଅଂଶଗ୍ରହଣ କରିବେ । ସେମାନଙ୍କ ଦ୍ବାରା ପ୍ରସ୍ତୁତ ସାମଗ୍ରୀ ପ୍ରଦର୍ଶନ କରିବା ସହିତ ବ୍ୟବସାୟର ସୁଯୋଗ ପାଇବେ । ଏହା ସହିତ ଏହି ମେଳାରେ ବିଭିନ୍ନ ପ୍ରକାର ପାରମ୍ପରିକ ଓଡ଼ିଆ ଖାଦ୍ୟ ପରିବେଷଣ ନିମନ୍ତେ 40ଟି ଫୁଡ଼ଷ୍ଟଲ ସ୍ଥାପନ କରାଯାଉ ଥିବା ରାଜ୍ୟ ବୟନ ଓ ହସ୍ତଶିଳ୍ପ ବିଭାଗ ମନ୍ତ୍ରୀ ଶ୍ରୀମତୀ ପଦ୍ମିନୀ ଦିଆନ ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି ।