ଭୁବନେଶ୍ବର: ରାଜ୍ୟରେ ଆଜି(ମଙ୍ଗଳବାର) ସୁସ୍ଥ ହେଲେ 2,796 ଜଣ କୋରୋନା ଆକ୍ରାନ୍ତ । ଏହାସହ ସୁସ୍ଥଙ୍କ ସଂଖ୍ୟାରେ ସବୁଠୁ ଆଗରେ ରହିଛି ଖୋର୍ଦ୍ଧା । ତେବେ ଏହାକୁ ମିଶାଇ ଆଜିସୁଦ୍ଧା 2 ଲକ୍ଷ 32 ହଜାର 988 ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଥିବା ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଟ୍ବିଟ କରି ସୂଚନା ଦେଇଛି ।
ଆଜି 30 ଟି ଜିଲ୍ଲାରୁ ଆରୋଗ୍ୟଙ୍କ ମଧ୍ୟରେ ଖୋର୍ଦ୍ଧାରୁ ସର୍ବାଧିକ 582 ଜଣ ସୁସ୍ଥ ହୋଇଛନ୍ତି । ସେପଟେ କଟକରୁ 179, ଯାଜପୁରରୁ 148, ଅନୁଗୁଳରେ 135, ପୁରୀରେ 127, ନବରଙ୍ଗପୁରରୁ 120, ବଲାଙ୍ଗିରରେ 107, ସମ୍ବଲପୁରରେ 106, କେନ୍ଦ୍ରାପଡାରେ 102, ବରଗଡ ଓ ନୂଆପଡାରେ 72 ଜଣ ଆରୋଗ୍ୟ ହୋଇଥିବା ବେଳେ ମୟୁରଭଞ୍ଜରେ 96, ସୁନ୍ଦରଗଡରେ 77 ଜଣ ସୁସ୍ଥ ହୋଇଛନ୍ତି ।