ଭୁବନେଶ୍ବର: ରାଜଧାନୀରେ କାଳବୈଶାଖୀର ପ୍ରଭାବ ଗୁରୁବାର ମଧ୍ୟ ଦେଖିବାକୁ ମିଳିଛି । ବର୍ଷାରେ ବେହାଲ ହୋଇଛି ରାଜଧାନୀ । ବିଜୁଳି ଘଡ଼ଘଡି ସହ ଦୀର୍ଘ ଅଧ ଘଣ୍ଟା ଧରି ପ୍ରବଳ ବର୍ଷା ଲାଗି ରହିଛି । ସେପଟେ ବର୍ଷା କାରଣରୁ କିଛି ସମୟ ପାଇଁ ଜୀବନଯାତ୍ରା ବ୍ୟାହତ ରହିଛି ।
ବାଦଲଫଟା ବର୍ଷାରେ ବେହାଲ ସ୍ମାର୍ଟସିଟି
ମୁଷଳ ଧାରାରେ ବର୍ଷା ହେବା ପରେ ଏହାର ପ୍ରଭାଵରେ ରାଜଧାନୀର ରାଜରାସ୍ତାରେ ଆଣ୍ଠୁଏ ପାଣି ଜମିଛି । ସାଧାରଣ ଲୋକଙ୍କ ଚଳପ୍ରଚଳ ସମ୍ପୂର୍ଣ୍ଣ ଠପ ହୋଇଯାଇଛି । ପ୍ରବଳ ବର୍ଷା ସାଙ୍ଗକୁ ବିଜୁଳି ଘଡଘଡି ଯୋଗୁଁ ସାଧାରଣ ଲୋକଙ୍କ ଜୀବନଯାତ୍ରା ବ୍ୟାହତ ହୋଇଛି । ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ରର ପୂର୍ବାନୁମାନ ଅନୁଯାୟୀ ସହରରେ କାଳବୈଶାଖୀ ବର୍ଷା ହେବାର ଥିଲା । ତେବେ ଏହି କାଳବୈଶାଖୀ ପ୍ରଭାବରୁ ଦିନ ୧୨ ଟାରେ ବଜ୍ରପାତ ସହ ପ୍ରବଳ ବର୍ଷା ହୋଇଛି ।