ଭୁବନେଶ୍ବର: ନୂଆ ରୂପରେ ହୁହୁ ହୋଇ ବଢ଼ି ଚାଲିଛି କୋରୋନା ସଂକ୍ରମଣ । ତେବେ ରାଜ୍ୟରେ ଏଯାଏଁ ବ୍ରାଜିଲ ଓ ଦକ୍ଷିଣ ଆଫ୍ରିକାର କୋରୋନା ଷ୍ଟ୍ରେନ ଦେଖିବାକୁ ମିଳିନି । ପଞ୍ଜାବ, ମହାରାଷ୍ଟ୍ରରେ ଯେଉଁ ମ୍ୟୁଟେସନରେ ବ୍ୟାପୁଛି ଓଡ଼ିଶାରେ ସେହି ମ୍ୟୁଟେସନର ପ୍ରଭାବ ନାହିଁ । ଅଧିକରୁ ଜେନମ ସିକ୍ୟୁଏନ୍ସିଂ ପରେ କେଉଁ ଷ୍ଟ୍ରେନ ଦ୍ବାରା ଓଡ଼ିଶା ଅଧିକ ପ୍ରଭାବିତ ହେଉଛି ତାହା ଜଣାପଡ଼ିବ । ରାଜ୍ୟରେ କୋରୋନା ସଂକ୍ରମଣକୁ ନେଇ ଏହା କହିଛନ୍ତି ଆଇଏଲଏସ ନିର୍ଦ୍ଦେଶକ ଅଜୟ ପରିଡ଼ା ।
'ଓଡ଼ିଶାରେ ନାହିଁ ବ୍ରାଜିଲ ଓ ଦକ୍ଷିଣ ଆଫ୍ରିକାର କୋରୋନା ଷ୍ଟ୍ରେନ'
ଓଡ଼ିଶାରେ ମାତ୍ର 3 ରୁ 4 ପ୍ରତିଶତ ୟୁକେ ଏବଂ ଡବଲ ମ୍ୟୁଟେସନ ରହିଛି, ଯାହା ଏତେ ପ୍ରଭାବ ପକାଇବ ନାହିଁ । ବର୍ତ୍ତମାନ କୋରୋନାର ଯେଉଁ ନୂଆ ଷ୍ଟ୍ରେନ ରହିଛି ତାହା ଜଣେ ସଂକ୍ରମିତଙ୍କ ଠାରୁ ଅନ୍ୟଜଣଙ୍କୁ ସଂକ୍ରମଣ ହେଉଛି । ସାଧାରଣ ଥଣ୍ଡା ବା କମନ ଫ୍ଲୁ ରହୁଥିବାରୁ ଏଭଳି ଭାବରେ ଅଧିକ ସଂକ୍ରମିତ ହେଉଛନ୍ତି ।