କମୁଛି ଜଳସ୍ତର, ମହାନଦୀରେ ସୋମବାର ଠୁ ଆସିବ ସୁଧାର

ବ୍ରାହ୍ମଣୀ ନଦୀରେ ମଧ୍ୟ ଜଳସ୍ତର ଆଜି(ରବିବାର)ଠୁ କମିବା ଦେଖିବାକୁ ମିଳିଛି। ସେଠାରେ ରେଙ୍ଗାଲି ଡ୍ୟାମ ଗେଟ ବନ୍ଦ କରାଯାଇଛି। ସମୀକ୍ଷା ବୈଠକ ପରେ ଏନେଇ ସୂଚନା ଦେଇଛନ୍ତି ଜଳସମ୍ପଦ ସଚିବ ଅନୁ ଗର୍ଗ।

ଭୁବନେଶ୍ବର: ରାଜ୍ୟରେ ଲଘୁଚାପ ଜନିତ ବର୍ଷାରୁ ସୃଷ୍ଟି ହୋଇଥିବା 5ଟି ନଦୀର ବନ୍ୟା ପରିସ୍ଥିତି ମଧ୍ୟରୁ 3ଟି ନଦୀର ବନ୍ୟା ସ୍ଥିତି ସୁଧିରିବାରେ ଲାଗିଛି । ସୁବର୍ଣ୍ଣରେଖା, ବୁଢାବଳଙ୍ଗ, ବୈତରଣୀ ନଦୀର ଜଳସ୍ତର ଖସୁଛି। ତାହା ଆଉ ଚିନ୍ତାଜନଙ୍କ ସ୍ଥିତିରେ ନାହିଁ। ବ୍ରାହ୍ମଣୀ ନଦୀରେ ମଧ୍ୟ ଜଳସ୍ତର ଆଜି(ରବିବାର)ଠୁ କମିବା ଦେଖିବାକୁ ମିଳିଛି। ସେଠାରେ ରେଙ୍ଗାଲି ଡ୍ୟାମ ଗେଟ ବନ୍ଦ କରାଯାଇଛି। ସମୀକ୍ଷା ବୈଠକ ପରେ ଏନେଇ ସୂଚନା ଦେଇଛନ୍ତି ଜଳସମ୍ପଦ ସଚିବ ଅନୁ ଗର୍ଗ।

ହୀରାକୁଦରେ ଏବେ 127.95 ଫୁଟ ପାଣି ରହିଛି। ଜଳଭଣ୍ଡାରକୁ ଜଳ ପ୍ରବେଶ କମୁଛି। ଏବେ 46 ଗେଟ ଖୋଲା ରହିଛି। ମୁଣ୍ଡଳୀରେ 10 ଲକ୍ଷ କ୍ୟୁସେକ ଜଳ ପ୍ରବେଶ କରୁଛି। ଆସନ୍ତାକାଲି(ସୋମବାର) ସକାଳ ଯାଏଁ ଏହି ଜଳସ୍ତର ରହିବ। ଏବେ ଘାଇ ମରାମତି ପାଇଁ ପ୍ରସ୍ତୁତ ହେଉଛି ବିଭାଗ।

ଆସନ୍ତାକାଲି(ସୋମବାର) ଠାରୁ ମହାନଦୀ ସ୍ଥିତିରେ ସୁଧାର ଆସିବ ବୋଲି ଆକଳନ କରିଛନ୍ତି ସ୍ବତନ୍ତ୍ର ରିଲିଫ କମିଶନର। ଆଉ ବନ୍ୟା ଜଳ ବଢ଼ିବ ନାହିଁ। ତେବେ ମୁଣ୍ଡଳୀ ପାଣି ପୁରୀ, ଜଗତସିଂହପୁର, କେନ୍ଦ୍ରାପଡା ଜିଲ୍ଲା ଦେଇ ପ୍ରବାହିତ ହେଉଥିବାରୁ ଏହିସବୁ ଜିଲ୍ଲାକୁ ସତର୍କ ରହିବାକୁ ପଡିବ ବୋଲି ଏସଆରସି ସୂଚନା ଦେଇଛନ୍ତି। ଦୟା ଓ ଭାର୍ଗଭି ନଦୀରେ ଘାଇ ପାଇଁ କିଛି ଅଞ୍ଚଳ ଜଳମଗ୍ନ ହୋଇଥିବା ମଧ୍ୟ ସୂଚନା ଦେଇଛନ୍ତି ଏସଆରସି ।

ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ