ଭୁବନେଶ୍ବର: ଓଡ଼ିଶାର ବିଶିଷ୍ଟ ଅଭିନେତା, ନାଟ୍ୟକାର ଓ ନିର୍ଦେଶକ ହେଉଛନ୍ତି ଅଜିତ ଦାସ। କିନ୍ତୁ ସେ ଆଉ ଆମ ଗହଣରେ ନାହାଁନ୍ତି। ଗତବର୍ଷ କୋରୋନାରେ ତାଙ୍କର ମୃତ୍ୟୁ ଘଟିଛି। ହେଲେ ଗତକାଲି(ବୁଧବାର) ତାଙ୍କର ଜନ୍ମଦିନ ପଡୁଥିବା ବେଳେ ତାଙ୍କ ଦ୍ବାରା ପ୍ରତିଷ୍ଠିତ ନାଟ୍ୟ ଅନୁଷ୍ଠାନ ‘ଅଜିତ ’ ପକ୍ଷରୁ ନାଟ୍ୟ ଉତ୍ସବ ଆୟୋଜନ କରାଯାଇ ଜନ୍ମଦିନ ପାଳନ କରାଯାଇଛି ।
‘ଏ ନବଘନର ଘର’ ମାଧ୍ୟମରେ ଅଜିତ ଦାସଙ୍କୁ ଜନ୍ମଦିନ ଶୁଭେଚ୍ଛା ଜଣାଇଲେ ଛାତ୍ରଛାତ୍ରୀ
ଚଳିତ ବର୍ଷ ତାଙ୍କ ଆବର୍ତମାନରେ ତାଙ୍କର ଛାତ୍ରଛାତ୍ରୀମାନଙ୍କ ଦ୍ବାରା ଏହା ପାଳନ କରାଯାଉଥିବା ବେଳେ ତାଙ୍କ ନିର୍ଦ୍ଦେଶନାରେ ପ୍ରସ୍ତୁତ ଏକ ନାଟକ ‘ଏ ନବ ଘନର ଘର ’ ମାଧ୍ୟମରେ ତାଙ୍କୁ ଶୁଭେଚ୍ଛା ଜଣାଇଛନ୍ତି। ଯାହାକି ସ୍ଥାନୀୟ ରବୀନ୍ଦ୍ର ମଣ୍ଡପ ଠାରେ ଆୟୋଜିତ ହୋଇଥିଲା । ଆଉ ଏହାକୁ ବେଶ ଉପଭୋଗ କରିଛନ୍ତି ଅଜିତ ପ୍ରେମୀ ଦର୍ଶକମାନେ ।