ଭୁବନେଶ୍ବର: ଚଳିତ ବର୍ଷ କପିଳେଶ୍ବରଙ୍କ ହାଣ୍ଡି ଭଙ୍ଗା ଯାତ୍ରା ଅନୁଷ୍ଠିତ ହେବା ନେଇ ସହମତି ପ୍ରକାଶ ପାଇଛି । ଏନେଇ ବୁଧବାର ଲିଙ୍ଗରାଜ ମନ୍ଦିର ପ୍ରଶାସନ,ବିଏମସି,ଲିଙ୍ଗରାଜ ସେବାୟତ ନିଯୋଗ,ମଲିଆ ,ଖୁଣ୍ଟିଆ ସେବାୟତଙ୍କ ସହ ଆଲୋଚନା ପରେ ଘୋଷଣା କରିଛନ୍ତି ଖୋର୍ଦ୍ଧା ଜିଲ୍ଲାପାଳ ତଥା ଲିଙ୍ଗରାଜ ମନ୍ଦିର ଟ୍ରଷ୍ଟି ସନତ କୁମାର ମହାନ୍ତି ।
ଦୀର୍ଘ ୫ ବର୍ଷ ପରେ ହେବ କପିଳେଶ୍ଵର ମହାଦେବଙ୍କ ହାଣ୍ଡି ଭଙ୍ଗା ଯାତ୍ରା ଅନୁଷ୍ଠିତ ହେବାକୁ ଯାଉଛି । ଆସନ୍ତା ଶୁକ୍ରବାର ଠାରୁ ପୂଜା ସ୍ବାଭାବିକ ହେବ । ୨୦୧୫ ରୁ ମନ୍ଦିରର ମାଲିଆ ସେବାୟତ ଓ ଖୁଣ୍ଟିଆ ସେବାୟତଙ୍କ ମଧ୍ୟରେ ମନମାଳିନ୍ୟ ଯୋଗୁଁ ବନ୍ଦ ରହିଥିଲା ନୀତିକାନ୍ତି । ଆଜି ରାଜ୍ୟ ସର୍କିଟ ହାଉସରେ 2 ସେବାୟତଙ୍କ ସହ ଜିଲ୍ଲାପାଳ ଆଲୋଚନା କରିବା ପରେ ଉଚ୍ଚ ନ୍ୟାୟାଳୟଙ୍କ ନିର୍ଦେଶ କ୍ରମେ ଶୁକ୍ରବାର ଠାରୁ ପୂଜା ହେବ। ପରମ୍ପରା ଅନୁଯାୟୀ ଲିଙ୍ଗରାଜ ମନ୍ଦିରରେ ମହାଶିବରାତ୍ରୀ ସରିବାର ପରବର୍ତ୍ତୀ ଶନିବାର ଦିନ କପିଳେଶ୍ଵର ମନ୍ଦିରର ହାଣ୍ଡିଭଙ୍ଗା ଯାତ୍ରା ହେବାର ପରମ୍ପରା ରହିଛି । ଚଳିତ ବର୍ଷ ଅମାବାସ୍ୟା ପାଇଁ ଏହା ଦ୍ବିତୀୟ ଶନିବାର ଅନୁଷ୍ଠିତ ହେବ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
