ଭୁବନେଶ୍ବର :ଉପକୂଳ ଓଡିଶାରେ ଦକ୍ଷିଣା ପବନ ପ୍ରବେଶ କରୁଛି, ଫଳରେ ତାପମାତ୍ରା ହ୍ରାସ ପାଇଛି । ଖରାର ପ୍ରଭାବ କମିଛି । ତାପମାତ୍ରା ସ୍ଵାଭାବିକ ରହିଛି । ଆଭ୍ୟନ୍ତରୀଣ ଓଡ଼ିଶାରେ ତାପମାତ୍ରା ସ୍ବାଭାବିକ ତାପମାତ୍ରା ଠାରୁ ୨ ରୁ ୩ ଡିଗ୍ରୀ ଅଧିକ ରହିବ । ଆସନ୍ତା ୨୪ ଘଣ୍ଟା ମଧ୍ୟରେ ତାପମାତ୍ରା କମିବ, ଆଭ୍ୟନ୍ତରୀଣ ଜିଲ୍ଲା ଗୁଡିକରେ ସ୍ଵଳ୍ପ କୁହୁଡି ଦେଖା ଦେବା ନେଇ ସୂଚନା ଦେଇଛି ପାଣିପାଗ ବିଭାଗ ।
24 ଘଣ୍ଟାରେ ସାମାନ୍ୟ ହ୍ରାସ ପାଇବ ତାପମାତ୍ରା , ଆଭ୍ୟନ୍ତରୀଣ ଜିଲ୍ଲାରେ କୁହୁଡି ଆଲର୍ଟ ଗଜପତି, କୋରାପୁଟ, ରାୟଗଡା,ଗଞ୍ଜାମ,କନ୍ଧମାଳରେ ସକାଳ ସମୟରେ କୁହୁଡି ଦେଖା ଦେବାର ସମ୍ଭାବନା ରହିଛି । ୧୨ ମାର୍ଚ୍ଚରୁ ବରଗଡ଼,ଝାରସୁଗୁଡା,ମୟୁରଭଞ୍ଜ,ସୁନ୍ଦରଗଡ଼,କେନ୍ଦୁଝର ଜିଲ୍ଲାରେ ସ୍ଵଳ୍ପ ବର୍ଷା ସମ୍ଭାବନା ନେଇ ଭୁବନେଶ୍ବର ପାଣିପାଗ କେନ୍ଦ୍ର ପୂର୍ବାନୁମାନ କରିଛି । ଗତ ୨୪ ଘଣ୍ଟାରେ ଗଞ୍ଜାମ,ଅନୁଗୁଳ, ମୟୂରଭଞ୍ଜ ଜିଲ୍ଲାରେ ସ୍ବଳ୍ପ କୁହୁଡି ଦେଖାଦେଇଛି । ଭବାନୀପାଟଣାରେ ସର୍ବାଧିକ ୩୯.୦ ଡିଗ୍ରୀ ରେକର୍ଡ ହୋଇଥିବାବେଳେ ବୌଦ୍ଧରେ ସର୍ବନିମ୍ନ ତାପମାତ୍ରା ୧୪ .୦ ଡିଗ୍ରୀ ରେକର୍ଡ ହୋଇଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
