ସରୁନି କଂଗ୍ରେସ ନାଟକ; ଏକାଠି ହେଲେ ନିରଞ୍ଜନ ସମର୍ଥିତ ଗୋଷ୍ଠୀ

ପିସିସି ସଭାପତି ପଦରୁ ନିରଞ୍ଜନଙ୍କୁ ପରିବର୍ତ୍ତନ ପାଇଁ ପୁଣିଥରେ ଦାବି ଜୋର ଧରିଥିବା ବେଳେ ଆଜି ଏକାଠି ହୋଇଛନ୍ତି ନିରଞ୍ଜନ ପଟ୍ଟନାୟକଙ୍କ ସମର୍ଥିତ ଗୋଷ୍ଠୀ । ଅଧିକ ପଢନ୍ତୁ...

ଭୁବନେଶ୍ବର: ସରୁନି କଂଗ୍ରେସର ଡ୍ରାମା । ପିସିସି ସଭାପତି ପଦରୁ ନିରଞ୍ଜନଙ୍କୁ ପରିବର୍ତ୍ତନ ପାଇଁ ପୁଣିଥରେ ଦାବି ଜୋର ଧରିଥିବା ବେଳେ ଆଜି ଏକାଠି ହୋଇଛନ୍ତି ନିରଞ୍ଜନ ପଟ୍ଟନାୟକଙ୍କ ସମର୍ଥିତ ଗୋଷ୍ଠୀ । ବୈଠକରେ ପ୍ରାୟ ସମସ୍ତ ଜିଲ୍ଲାର ଡିସିସି ସଭାପତି ଉପସ୍ଥିତ ରହିଛନ୍ତି । ଏହାସହ ପୂର୍ବତନ ମହିଳା କଂଗ୍ରେସ ସଭାପତି ଓ ବିଗତ ନିର୍ବାଚନରେ ଛିଡା ହୋଇଥିବା ବିଧାୟକ ତଥା ସାଂସଦ ପ୍ରାର୍ଥୀଙ୍କୁ ମିଶାଇ 60ରୁ ଊର୍ଦ୍ଧ୍ବ ନେତା ଉପସ୍ଥିତ ଅଛନ୍ତି ।

ଶେଷ ହେଉନି କଂଗ୍ରେସ ନାଟକ; ଏକାଠି ହେଲେ ନିରଞ୍ଜନ ସମର୍ଥିତ ଗୋଷ୍ଠୀ

ନିରଞ୍ଜନଙ୍କ ବିପକ୍ଷବାଦୀ ନେତାଙ୍କ ବିରୋଧରେ ଗର୍ଜିଛନ୍ତି ନିରଞ୍ଜନଙ୍କ ସପକ୍ଷରେ ଥିବା ନେତା । ଦଳରେ ବିଶୃଙ୍ଖଳା କରୁଥିବା ନେତାଙ୍କୁ ତୁରନ୍ତ ଦଳରୁ ବିଦା କରିବାକୁ ଦାବି ରଖିଛନ୍ତି ନିରଞ୍ଜନଙ୍କ ସମର୍ଥକ ।

ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ