ଭୁବନେଶ୍ବର: ବେଶ ସଫଳତାର ସହ କୋରୋନା ମୁକାବିଲା ଜାରି ରଖିଛି ଓଡିଶା । ସ୍ବାସ୍ଥ୍ୟସେବାର ଉନ୍ନତ ଯୋଜନା ସହ ସ୍ବାସ୍ଥ୍ୟକର୍ମୀଙ୍କ ନିଷ୍ଠା ଓ ସେବା ମନୋବୃତ୍ତି ପାଇଁ ସୁଧୁରିବାରେ ଲାଗିଛି ରାଜ୍ୟରେ କୋରୋନା ସ୍ଥିତି । ଶୁକ୍ରବାର ଗୋଟିଏ ଦିନରେ ରାଜ୍ୟରେ 565 ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ଯାହା ଦୈନିକ ସର୍ବାଧିକ ସୁସ୍ଥର ରେକର୍ଡ । ଆଉ ଏଥିପାଇଁ ରାଜ୍ୟର ସ୍ବାସ୍ଥ୍ୟକର୍ମୀ ଓ ଡାକ୍ତରମାନଙ୍କୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
କୋରୋନା ମୁକାବିଲାରେ ରାଜ୍ୟକୁ ସଫଳତା, ସାଧୁବାଦ ଦେଲେ ମୁଖ୍ୟମନ୍ତ୍ରୀ
ବେଶ ସଫଳତାର ସହ କୋରୋନା ମୁକାବିଲା କରି ଚାଲିଛି ଓଡିଶା । ଶୁକ୍ରବାର ଗୋଟିଏ ଦିନରେ ରାଜ୍ୟରେ 565 ଜଣ ଆକ୍ରାନ୍ତ ସୁସ୍ଥ ହୋଇଥିବାରୁ ଏବେ ରାଜ୍ୟର ସ୍ବାସ୍ଥ୍ୟକର୍ମୀ ଓ ଡାକ୍ତରମାନଙ୍କୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
କୋରୋନା ମୁକାବିଲାରେ ରାଜ୍ୟକୁ ସଫଳତା, ସାଧୁବାଦ ଦେଲେ ମୁଖ୍ୟମନ୍ତ୍ରୀ
ଏକ ଟ୍ବିଟ ଜରିଆରେ ମୁଖ୍ୟମନ୍ତ୍ରୀ ରାଜ୍ୟର ଏହି ସଫଳତା ପାଇଁ ସ୍ବାସ୍ଥ୍ୟକର୍ମୀଙ୍କ ନିଷ୍ଠାକୁ ସଲମ କରିବା ସହ ଧନ୍ୟବାଦ ଜଣାଇଥିଲେ । କେବଳ ଶୁକ୍ରବାର ନୁହେଁ ଗତ ତିନି ଦିନ ହେବ ରାଜ୍ୟରେ କ୍ରମାଗତ ଭାବେ ଅଧିକ ସଂଖ୍ୟକ ଆକ୍ରାନ୍ତ ସୁସ୍ଥ ହେଉଥିବା ଦେଖାଯାଉଛି । ଯେଉଁଥିରେ ରାଜ୍ୟବାସୀଙ୍କ ସହଯୋଗକୁ ମଧ୍ୟ ନବୀନ ଧନ୍ୟବାଦ ଜଣାଇଛନ୍ତି । ଆଗକୁ ଏହି ପ୍ରକ୍ରିୟା ଜାରି ରହୁ ବୋଲି ସେ ଆଶା ରଖିଥିବା ପ୍ରକାଶ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ