ଭୁବନେଶ୍ବର: ରାଜରାସ୍ତାରେ ଡିପ୍ଲୋମା ଛାତ୍ରଛାତ୍ରୀ । ବ୍ୟାକ ପେପର ଓ ସେମିଷ୍ଟାର ବାତିଲ କରିବାକୁ ଦାବି କରି ବୈଷୟିକ ଶିକ୍ଷାମନ୍ତ୍ରୀ ପ୍ରେମାନନ୍ଦ ନାୟକଙ୍କ ବାସଭବନ ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି ଛାତ୍ରଛାତ୍ରୀ । ଶତାଧିକ ଛାତ୍ର ବିକ୍ଷୋଭରେ ସାମିଲ ହୋଇ ବୈଷୟିକ ଶିକ୍ଷାମନ୍ତ୍ରୀଙ୍କୁ ବିରୋଧରେ ନାରା ଦେଇଛନ୍ତି ।
ବୈଷୟିକ ଶିକ୍ଷା ମନ୍ତ୍ରୀଙ୍କ ବାସଭବନ ଆଗରେ ବିକ୍ଷୋଭ
ବୈଷୟିକ ଶିକ୍ଷାମନ୍ତ୍ରୀ ପ୍ରେମାନନ୍ଦ ନାୟକଙ୍କ ଭୁବନେଶ୍ବର ୟୁନିଟ ୧ ସ୍ଥିତ ସରକାରୀ ବାସଭବନ ଆଗରେ ଧାରଣାରେ ବସି ରାସ୍ତାରୋକ କରିଛନ୍ତି । ଅନଲାଇନ ପାଠପଢାକୁ ନେଇ ପିଲା ସନ୍ତୁଷ୍ଟ ନାହାନ୍ତି । ଯେଉଁମାନେ ତୃତୀୟ ସେମିଷ୍ଟାର ପାଠ ପଢିଲେଣି ସେମାନେ ପ୍ରଥମ ସେମିଷ୍ଟାର ପରୀକ୍ଷା ଦେବା ବର୍ତ୍ତମାନ ସମୟରେ ଅସମ୍ଭବ ହୋଇଛି । ତେଣୁ ତୃତୀୟ ସେମିଷ୍ଟାରକୁ ବାତିଲ କରିବାକୁ ଦାବି କରିଛନ୍ତି ଛାତ୍ରଛାତ୍ରୀ । ତୁରନ୍ତ ପିଲାଙ୍କୁ ସାର୍ଟିଫିକେଟ ପ୍ରଦାନ କରିବାକୁ ଦାବି ଜୋର ଧରିଛି ।