ଭୁବନେଶ୍ବର:ରାଜ୍ୟ ସରକାର କେବଳ ଓବିସି ନୁହେଁ ଆଦିବାସୀଙ୍କ ପ୍ରତି ବି ଅନ୍ୟାୟ କରୁଛନ୍ତି । ଏକ ସାମ୍ବାଦିକ ସମ୍ମିଳନୀରେ ଏହା କହିଛନ୍ତି କଂଗ୍ରେସ ମିଡିଆ ସେଲ୍ ଅଧ୍ୟକ୍ଷ ଗଣେଶ୍ବର ବେହେରା । ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ୨୩ଟି ଜିଲ୍ଳାରେ ଆଦିବାସୀଙ୍କ ପାଇଁ ସଂରକ୍ଷଣ ନାହିଁ । ଏହାକୁ ନେଇ ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି ଗଶେଶ୍ବର ବେହେରା ।
କୋରାପୁଟ, ନବରଙ୍ଗପୁର, ମାଲକାନଗରି, ରାୟଗଡ଼ା, କନ୍ଧମାଳ, ସୁନ୍ଦରଗଡ଼ ଓ ମୟୂରଭଞ୍ଜ ଭଳି ୭ ଜିଲ୍ଲା ବ୍ୟତୀତ ଅନ୍ୟ କୌଣସି ଜିଲ୍ଲାରେ ଆଦିବାସୀଙ୍କ ପାଇଁ କୌଣସି ସଂରକ୍ଷଣ ନାହିଁ । ରାଜ୍ୟର ୧୯୫ଟି ବ୍ଳକରେ ଆଦିବାସୀଙ୍କ ପାଇଁ କୌଣସି ସଂରକ୍ଷଣ ନାହିଁ । ଏହା ସମ୍ବିଧାନ ବିରୋଧୀ ବୋଲି କହିଛି କଂଗ୍ରେସ । ରାଜ୍ୟ ସରକାର ଗ୍ରାମ ପଞ୍ଚାୟତ ଆଇନ ୧୯୬୪ ଏବଂ ପଞ୍ଚାୟତ ସମିତି ଆଇନ ୧୯୬୮ର ଅନୁପାଳନ ହୋଇନଥିବା କଂଗ୍ରେସ ଅଭିଯୋଗ କରିଛି ।