ଭୁବନେଶ୍ବର: କୋଷ୍ଟାଲ ହାଇଓ୍ଵେକୁ ରାଜ୍ୟ ସରକାରଙ୍କ ଗ୍ରୀନ ସିଗିନାଲ। ପ୍ରାୟ ଦୁଇ ବର୍ଷ ଧରି ରାଜ୍ୟ ଓ କେନ୍ଦ୍ର ମଧ୍ୟରେ ଲୁଚାଛପା ପରେ ଏବେ ଏହି ପ୍ରକଳ୍ପକୁ ମଞ୍ଜୁରୀ ମିଳିଛି । ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ଏହି ନିଷ୍ପତ୍ତି ହୋଇଛି । ସାତପଡାରୁ ଦୀଘା ଏବଂ ଗୋପାଳପୁରରୁ ରତନପୁର କାମ ଆରମ୍ଭ କରିବାକୁ ଏନଏଚଏଆଇକୁ ନିର୍ଦ୍ଦେଶ ଦିଆଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଜାତୀୟ ରାଜପଥ କର୍ତ୍ତୃପକ୍ଷ ଯେଉଁ ଡିଜାଇନ କରିଛନ୍ତି ସେହି ଅନୁସାରେ ଏହି ହାଇଓ୍ଵେ ନିର୍ମାଣ କରାଯିବ । ରାସ୍ତା ନିର୍ମାଣ ପାଇଁ ଆବଶ୍ୟକୀୟ ଅନୁମତି ପାଇଁ ଜାତୀୟ ରାଜପଥ କର୍ତ୍ତୃପକ୍ଷ ଆବେଦନ କରିବା ପାଇଁ ରାଜ୍ୟ ସରକାର କହିଛନ୍ତି । ତେବେ ଗୋପାଳପୁରରୁ ରତନପୁର ଏବଂ ବାସୁଦେବପୁରରୁ ଦୀଘା ରାସ୍ତା ଯାହା ଚିଲିକା ହ୍ରଦ ଏବଂ ଅନ୍ୟ ଇକୋ ସେସସିଟିଭ ଜୋନ ଦେଇଯାଇଛି ସେ ବିଷୟରେ ପରିବେଶ ମନ୍ତ୍ରଣାଳୟ ସହ ଆଲୋଚନା ହୋଇ ଚୂଡାନ୍ତ ନିଷ୍ପତ୍ତି ନିଆଯାଇଛି ।