ଭୁବନେଶ୍ବର: 2020-21 ବର୍ଷର ରାଜ୍ୟ ବଜେଟ ଉପସ୍ଥାପନ । ମୋଟ 1 ଲକ୍ଷ 50 ହଜାର କୋଟି ଟଙ୍କାର ବଜେଟ ରହିଛି । ଏଥିରୁ 65 ହଜାର 655 କୋଟି ପ୍ରଶାସନିକ ବ୍ୟୟ, 74 ହଜାର କୋଟି କାର୍ଯ୍ୟକ୍ରମ ବ୍ୟୟ, 3200 କୋଟି ବିପର୍ଯ୍ୟୟ ପ୍ରଶମନ ବ୍ୟୟ, 7145 କୋଟି ନିକାୟ ସଂସ୍ଥା ଓ ଉନ୍ନୟନ ସଂସ୍ଥା ହସ୍ତାନ୍ତର ପାଇଁ ଉଦ୍ଦିଷ୍ଟ।
ଏଥର 1 ଲକ୍ଷ 50 ହଜାର କୋଟି ଟଙ୍କାର ବଜେଟ ସେପଟେ ପୁଞ୍ଜି ଅଟକଳ ବ୍ୟୟ ରହିଛି 26, 513 କୋଟି । ରାଜସ୍ବ ପ୍ରାପ୍ତିରୁ 1 ଲକ୍ଷ 24 ହଜାର 300 କୋଟି ରହିଛି। ଋଣ ଓ ଅନ୍ୟାନ୍ୟ ବାବଦ ଅର୍ଥ 25 ହଜାର 700 କୋଟି ଟଙ୍କାରୁ ଭରଣା କରାଯିବ। 2020-21ରେ ବିତ୍ତୀୟ ନିଅଣ୍ଟ 3 ପ୍ରତିଶତ ରହିବ ବୋଲି ଆକଳନ କରାଯାଇଛି।
ଏଥର 1 ଲକ୍ଷ 50 ହଜାର କୋଟି ଟଙ୍କାର ବଜେଟ ରାଜ୍ୟର ମୋଟ ରାଜସ୍ବରୁ ନିଜସ୍ବ ଟିକସ 38, 350 କୋଟି, ନିଜସ୍ବ ଅଣ ଟିକସ ରାଜସ୍ବ 17, 650 କୋଟି, କେନ୍ଦ୍ରୀୟ ଟିକସରେ ରାଜ୍ୟର ଅଂଶ 36, 300 କୋଟି ଟଙ୍କା ରହିଛି । କେନ୍ଦ୍ରରୁ ମିଳିବାକୁ ଥିବା ଅନୁଦାନ ଅର୍ଥ ରହିଛି 32 ହଜାର କୋଟି ଟଙ୍କା। ପୁରୀର ବିକାଶ ପାଇଁ ଅବଢ଼ା ଯୋଜନା ବାବଦକୁ 3 ହଜାର208 କୋଟିରୁ ଚଳିତ ବଜେଟରେ 695 କୋଟି ଟଙ୍କାର ବ୍ୟୟ ବରାଦ କରାଯାଇଛି। ଏକାମ୍ର କ୍ଷେତ୍ର ପାଇଁ 700 କୋଟିରୁ ଚଳିତ ବର୍ଷ ପାଇଁ 150 କୋଟି ବ୍ୟୟ ବରାଦ କରାଯାଇଛି।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
