ଭୁବନେଶ୍ବର: ଆହୁରି ସହଜ ହେବ ଟୀକାକରଣ । ଯେଉଁ ମାନେ ଟିକା ନେବା ପାଇଁ କେନ୍ଦ୍ରକୁ ଯାଇପାରୁନାହାନ୍ତି ସେମାନଙ୍କ ପାଇଁ ସ୍ଵତନ୍ତ୍ର ବ୍ୟବସ୍ଥା ଆରମ୍ଭ କରିବ ସ୍ବାସ୍ଥ୍ୟ ବିଭାଗ । ଏଣିକି ଘରକୁ ଘର ବୁଲି ମୋବାଇଲ ଭ୍ୟାନରେ ଟିକା ଦିଆଯିବ । ଶାରୀରିକ ଅକ୍ଷମ, ଶଯ୍ୟାଶାୟୀ, ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କ ଲାଗି ଏହି ସ୍ବତନ୍ତ୍ର ବ୍ୟବସ୍ଥା କରାଯିବ । ଏନେଇ ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀଙ୍କ ସୂଚନା ଦେଇଛନ୍ତି ।
ଦିବ୍ୟାଙ୍ଗଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା, ମୋବାଇଲ ଭ୍ୟାନରେ ଟୀକାକରଣ
ତେବେ ଖୁବଶୀଘ୍ର ଏହି ସୁବିଧା ଉପଲବ୍ଧ ହେବ । ଏନେଇ ଆଜି ସନ୍ଧ୍ୟା ଶୁଦ୍ଧା ଏକ ହେଲ୍ପ ଲାଇନ ନମ୍ବର ଜାରି କରାଯିବ । ସେମାନେ ଏହି ନମ୍ବରରେ କଣ୍ଟାକ୍ଟ କରିବା ପରେ ଘରକୁ ମୋବାଇଲ ଭ୍ୟାନ ପହଞ୍ଚିବ ଓ ଟୀକାକରଣ କରାଯିବ, ଏଥିପାଇଁ ପ୍ରତ୍ୟେକ ଜିଲ୍ଲାପାଳଙ୍କୁ ଚିଠି ଲେଖାଯାଇଛି ।