ଭୁବନେଶ୍ବର: ଆଦିତ୍ୟ ଦାସ ମୃତ୍ୟୁ ମାମଲାର ସନ୍ଦେହ ଘେରରେ ଆସିଛନ୍ତି ଜଣେ ସାଇକୋ ଲେଡି । ତେଣୁ ରାଜ୍ୟପାଳଙ୍କ ପାଖରେ ସିବିଆଇ ତଦନ୍ତ ପାଇଁ ଦାବି ହୋଇଛି ।
ଆଦିତ୍ୟ ଦାସ ମୃତ୍ୟୁ ମାମଲା: ରାଜ୍ୟପାଳଙ୍କ ପାଖରେ ସିବିଆଇ ତଦନ୍ତ ଦାବି
ସମାଜସେବୀ ଆଦିତ୍ୟ ଦାସ ମୃତ୍ୟୁ ମାମଲାରେ ନୁଆ ଟୁଇଷ୍ଟ। ସାଇକୋ ଲେଡିକୁ ନେଇ ପରିବାର ଲୋକଙ୍କ ସନ୍ଦେହ ବଢିଛି। ଏପରିକି ବିବାହ ପୁର୍ବରୁ ଆଦିତ୍ୟଙ୍କୁ ବିବାହ କରିବାକୁ ଚାହୁଁଥିଲେ ସମ୍ପୃକ୍ତ ମହିଳା । ଏଥିପାଇଁ ଆଦିତ୍ୟଙ୍କୁ ବ୍ଲାକମେଲ ମଧ୍ୟ କରୁଥିଲେ। ଯାହାକୁ ନେଇ କ୍ରାଇମବ୍ରାଞ୍ଚକୁ ତଥ୍ୟ ଦିଆଯାଇଥିଲେ ମଧ୍ୟ ତାଙ୍କୁ ଜେରା କରାଯାଇନଥିବାରୁ ଘଟଣାରୁ ରହସ୍ୟ ହଟୁନି ବୋଲି ଆଦିତ୍ୟଙ୍କ ବାପା ନନ୍ଦିକିଶୋର ଦାସ ଅଭିଯୋଗ ଉଠାଇଛନ୍ତି। ସ୍କାନରକୁ ଆସିଲେ ସନ୍ଦିଗ୍ଧ ମହିଳା ବା ସାଇକୋ ଲେଡିଙ୍କ କଲ ଓ ଚାର୍ଟରୁ ସୁରାକ ମିଳିପାରନ୍ତା । ଯାହାକୁ ନେଇ ସିବିଆଇ ତଦନ୍ତ ଦାବି କରାଯାଇଛି।