ଭୁବନେଶ୍ବର: ଏଣିକି 101ଟି କଲେଜରେ ସ୍ମାର୍ଟ କ୍ଲାସର ବ୍ୟବସ୍ଥା କରିବେ ରାଜ୍ୟ ସରକାର । 75 ପ୍ରତିଶତ ଉପସ୍ଥାପନା ରଖିବେ ଛାତ୍ରଛାତ୍ରୀ । ଏହାସହ ଅଧ୍ୟାପକ ଦୈନିକ 7ଘଣ୍ଟା ଡ୍ୟୁଟିରେ ରହିବା ବାଧ୍ୟତାମୂଳକ । ଆଜି ଯୁକ୍ତ 3 କଲେଜ ପ୍ରିନ୍ସିପାଲଙ୍କ ସହ ଭିଡ଼ିଓ କନଫରେନ୍ସିଂ ମାଧ୍ୟମରେ ଉଚ୍ଚ ଶିକ୍ଷା ମନ୍ତ୍ରୀ ଅରୁଣ ସାହୁ କଥାହୋଇ ଏହି ସୂଚନା ଦେଇଛନ୍ତି ।
ଭିଡ଼ିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ରାଜ୍ୟର ସମସ୍ତ 1047ଟି +3 କଲେଜ ପ୍ରିନ୍ସିପାଲଙ୍କ ସହ ଉଚ୍ଚ ଶିକ୍ଷା ମନ୍ତ୍ରୀ ଅରୁଣ ସାହୁ ଭିଡ଼ିଓ କନଫରେନ୍ସିଂ ଜରିଆରେ ଆଲୋଚନା କରିଛନ୍ତି । ପ୍ରତ୍ୟେକ କଲେଜରେ ପ୍ରୋକ୍ଟୋରିଆଲ ସିଷ୍ଟମ ଲାଗୁ କରାଯିବ ବୋଲି ନିଷ୍ପତି ହୋଇଛି । ଏହା ସହ କଲେଜର ପ୍ରତି ଛାତ୍ରଛାତ୍ରୀ 75 ପ୍ରତିଶତ ଉପସ୍ଥାନ ରଖିବେ ବୋଲି ଆଲୋଚନାରେ ସ୍ଥିର ହୋଇଛି। ସେହିପରି ଅଧ୍ୟାପକଙ୍କ ଦୈନିକ ସାତ ଘଣ୍ଟା କାର୍ଯ୍ୟ କରିବେ ବୋଲି ଆଲୋଚନା କରାଯାଇଛି ।