ସ୍କୁଲ ପଛପଟୁ ନରକଙ୍କାଳ ଉଦ୍ଧାର, ତଦନ୍ତ ଜାରି

ଭୁବନେଶ୍ବରର ନୟାପଲ୍ଲୀ ଥାନା ଅନ୍ତର୍ଗତ ଆଇଆରସି ଭିଲେଜ ଅଞ୍ଚଳରେ ଚାଞ୍ଚଲ୍ୟ । ସ୍କୁଲ ପଛପଟରୁ ନରକଙ୍କାଳ ଉଦ୍ଧାର । ଖବର ପାଇ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

ଭୁବନେଶ୍ବର: ରାଜଧାନୀରେ ଚାଞ୍ଚଲ୍ୟ । ସ୍କୁଲ ପଛପଟୁ ଉଦ୍ଧାର ହେଲା ନରକଙ୍କାଳ । ଏକ ପଲିଥିନ ଭିତରେ ନରକଙ୍କାଳ ମୁଣ୍ଡ, ହାତ ଓ ଗୋଡ ବନ୍ଧା ହୋଇ ଫିଙ୍ଗା ଯାଇଥିବା ଦେଖିବାକୁ ମିଳିଛି । ଏଭଳି ଚାଞ୍ଚଲ୍ୟକର ଘଟଣା ଦେଖିବାକୁ ମିଳିଛି ନୟାପଲ୍ଲୀ ଥାନା ଅଧିନସ୍ଥ ଆଇଆରସି ଭିଲେଜ ସ୍କୁଲ ପଛପଟେ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଭୟରେ ବାତାବରଣ ଖେଳି ଯାଇଛି ।

ତେବେ ଏହା ଗୁଣିଗାରେଡି ନା ଯୋଜନା ବଦ୍ଧ ହତ୍ୟା ତାକୁ ନେଇ ସୃଷ୍ଟି ହୋଇଛି କଳ୍ପନା ଜଳ୍ପନା । ଏନେଇ ସାଇଣ୍ଟିଫିକ ଟିମ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ପ୍ରାଥମିକ ତଦନ୍ତରୁ କଙ୍କାଳରେ କିଛି ସ୍କେଚ ଚିହ୍ନ ରହିଥିବା ପୋଲିସ ଜାଣିବାକୁ ପାଇଛି । ଯେଉଁଥିରୁ ସ୍ପଷ୍ଟ ଜଣାପଡୁଛି କୌଣସି ମେଡିକାଲର ପ୍ରାକ୍ଟିକାଲରେ ଏହି ନରକଙ୍କାଳ ବ୍ୟବହାର କରାଯାଇଛି ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ