ଭୁବନେଶ୍ବର: କମିଶନରେଟ ପୋଲିସ ଅଧୀନରେ ଥିବା 5 ସିନେମା ହଲକୁ କାରଣ ଦର୍ଶାଇ ନୋଟିସ ଜାରି କରାଯାଇଛି । ରାଜଧାନୀରେ 4 ଟି ଓ କଟକରେ ଗୋଟିଏ ସିନେମା ହଲ ରହିଛି । ଏହି ହଲ ଗୁଡିକରେ ଅଗ୍ନି ନିରାପତ୍ତା ନଥିବା ବେଳେ ହଲର କାଗଜ ପତ୍ର ପୁନଃଯାଞ୍ଚ କରିନଥିବାକୁ ନେଇ ନୋଟିସ ଜାରି କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର ଟ୍ବିନସିଟିର ୧୫ରୁ ଉର୍ଦ୍ଧ ସିନେମା ହଲ ରହିଛି । କଟକର ବୃନ୍ଦାବନ ହଲ ଓ ଭୁବନେଶ୍ୱରର କେଶରୀ, ସ୍ତୁତି, ସ୍ବାତି ଏବଂ ମହାରାଜା ହଲରେ ବିଭିନ୍ନ ପ୍ରକାରର ସୁରକ୍ଷା ବ୍ୟବସ୍ଥା ନାହିଁ । ବିଶେଷ ଭାବରେ ଅଗ୍ନି ନିରାପତ୍ତା ପାଇଁ କୌଣସି ପ୍ରକାର ପ୍ରସ୍ତୁତି କରାଯାଇନାହିଁ। ତେଣୁ ଏହି 5 ଟି ସିନେମା ହଲକୁ ପୋଲିସ ପକ୍ଷରୁ ଲାଇସେନ୍ସ ପୁନଃଯାଞ୍ଚ କରାଯାଉ ନାହିଁ ବୋଲି ଅଭିଯୋଗ ହୋଇଛି । ଓଡିଶା ସିନେମା ହାଉସ ରୁଲ ଆକ୍ଟ ଅନୁଯାୟୀ ଏହି ସବୁ ସିନେମା ହଲ ଗୁଡିକକୁ ନୋଟିସ କରାଯାଇଛି । ପ୍ରତି ତିନି ବର୍ଷ କିମ୍ବା ପାଞ୍ଚ ବର୍ଷରେ ଥରେ ପୁନଃଯାଞ୍ଚ କରାଯିବା ଉଚିତ୍ । ତେବେ 7ଦିନ ମଧ୍ୟରେ କାରଣ ଦର୍ଶାଇବାକୁ ସୂଚନା ଦେଇଛନ୍ତି କମିଶନର ସତ୍ୟଜିତ ମହାନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
