ଭୁବନେଶ୍ୱର: ଖଣ୍ଡଗିରି ମେଳା ବୁଲି ଯାଉଛନ୍ତି କି ? ତାହାଲେ ହୋଇ ଯାଆନ୍ତୁ ସାବଧାନ । ଦେଖିଚାହିଁ ଖାଆନ୍ତୁ ଖାଦ୍ଯ। ନଚେତ ଆପଣଙ୍କ ସ୍ୱାସ୍ଥ୍ୟ ପାଇଁ ଏହା କ୍ଷତିକାରକ ହୋଇପାରେ । କାରଣ ଏଠାରେ ବାସି ହୋଇଯାଇଥିବା ଚାଟ, ଚାଉମିନ ଓ ଅନ୍ୟାନ୍ୟ ଖାଦ୍ୟ ସାମଗ୍ରୀ ବିକ୍ରି କରୁଛନ୍ତି ଦୋକାନୀ । ଖାଦ୍ଯ ସୁରକ୍ଷା ଅଧିକାରୀଙ୍କ ଚଢାଉ ପରେ ଏହି ଘଟଣା ସାମ୍ନାକୁ ଆସିଛି ।
ସୋମବାର ଓ ମଙ୍ଗଳବାର ଦୁଇଦିନ ଚଢାଉ କରି ପାଖାପାଖି 45 କେଜିରୁ ଉର୍ଦ୍ଧ୍ୱ ଖାଦ୍ଯ ନଷ୍ଟ କରାଯାଇଛି। ମଙ୍ଗଳବାର ଚାରୋଟି ଦୋକାନର ମିଠା ଓ ପେଟିସ, ହୋଟେଲରୁ ତରକାରି ଝୋଳ ଆଦି ନମୁନା ସଂଗ୍ରହ କରିଛନ୍ତି ଖାଦ୍ୟ ସୁରକ୍ଷା ଅଧିକାରୀ । ଯଦି ଖାଦ୍ୟ ବାସି ହୋଇଥିବା ପ୍ରମାଣ ହୁଏ ସେମାନଙ୍କ ବିରୋଧରେ କାର୍ଯାନୁଷ୍ଠାନ ଗ୍ରହଣ କରାଯିବ ।