ଭୁବନେଶ୍ବର: ଆସୁଛି ପାର୍ବଣ । ଆସୁଛନ୍ତି ମା ଦୁର୍ଗା । ଜଗତ ଜନନୀଙ୍କୁ ଆରଧନା ପାଇଁ ପ୍ରସ୍ତୁତି ଆରମ୍ଭ କରିଦେଲାଣି ରାଜଧାନୀର ସମସ୍ତ ପୂଜା କମିଟି । ଶାରଦୀୟ ଦୁର୍ଗା ପୂଜା ପାଇଁ ଭୁବନେଶ୍ବରର ଚନ୍ଦ୍ରଶେଖରପୁର ଅଞ୍ଚଳରେ ଶାନ୍ତି କମିଟି ବୈଠକ ଅନୁଷ୍ଠିତ ହୋଇଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଏହି ବୈଠକରେ ଆସନ୍ତା ପୂଜାକୁ ପ୍ରଦୂଷଣ ମୁକ୍ତ କରିବା ସହ କୌଣସି ମଣ୍ଡପରେ ମୂର୍ତ୍ତି ଗଢିବା ପାଇଁ ରାସାୟନିକ ରଙ୍ଗ ବ୍ୟବହାର ନ କରିବା ପାଇଁ ପୂଜା କମିଟିକୁ ଅନୁରୋଧ କରାଯାଇଛି । ଏହାସହ ସରକାରଙ୍କ ପ୍ଲାଷ୍ଟିକ ପ୍ରଦୂଷଣ ରୋକିବା ପାଇଁ କରିଥିବା ନିୟମକୁ ମାନିବା ପାଇଁ ନିର୍ଦ୍ଦେଶ ଦିଆଯାଇଛି ।