ଭୁବନେଶ୍ବର: ବିପଦରେ ଲୋକସେବା ଭବନର କର୍ମଚାରୀ। ଦୀର୍ଘ ମାସେ ଧରି ମିଳୁନି ଖୋଜ ଖବର। ନା ଆସୁଛନ୍ତି ଅଫିସ ନା ଫେରିଛନ୍ତି କ୍ବାଟରକୁ। କ୍ବାଟର ସାମ୍ନାରେ ରହିଛି ତାଙ୍କର ହୋଣ୍ଡା ସାଇନ ଗାଡି ହେଲେ ମିଳୁନି ଖୋଜ ଖବର। ଯାହାକୁ ନେଇ ଶଙ୍କାରେ ରହିଥିବା ପରିବାର ଅଫିସର ଲୋକଙ୍କ ବିରୋଧରେ ଆଣିଛନ୍ତି ସାଙ୍ଘାତିକ ଅଭିଯୋଗ।
ଲୋକସେବା ଭବନର ଡେସ୍କ ଅଫିସର ସନ୍ତୋଷ ଦଳ ବେହେରା ଗତ ମାସ ୨୬ ତାରିଖରେ ଶେଷ ଥର ନିଜ ପତ୍ନୀଙ୍କ ସହ କଥା ହୋଇଥିଲେ। ପରେ ଗତ ମାସ ୩୦ ତାରିଖରେ ତାଙ୍କ ଅଫିସ ସଂସ୍କୃତି ବିଭାଗରୁ କଲ ଆସିଲା ଆପଣଙ୍କ ସ୍ବାମୀ କାହିକି ଅଫିସ ଆସୁନାହାନ୍ତି। ଯାହାକୁ ନେଇ ଖୋଜାଖୋଜି ପରେ ସହୀଦନଗର ଥାନାରେ ଏତଲା ଦେଇଛନ୍ତି। ହେଲେ ତଥାପି ଡେସ୍କ ଅଫିସର ସନ୍ତୋଷ ଦଳ ବେହେରାଙ୍କ କୌଣସି ଖୋଜ ଖବର ପାଉନାହିଁ ପୋଲିସ କି ପରିବାର ଲୋକେ।