ଭୁବନେଶ୍ବର: ରାଜ୍ୟ ବିଦ୍ୟାଳୟ ଓ ଗଣଶିକ୍ଷା ବିଭାଗ ଅଧୀନରେ ଥିବା ବିଦ୍ୟାଳୟରେ ଖାଲିଥିବା ଶିକ୍ଷକ ପଦବୀ ତାଲିକା ଜିଲ୍ଲା ଶିକ୍ଷା ଅଧିକାରୀ(DEO)ଙ୍କୁ ମଗାଯାଇଛି । ଶିକ୍ଷକ ଓ ଶିକ୍ଷୟିତ୍ରୀ ନିଯୁକ୍ତିରେ ସ୍ୱଚ୍ଛତା ବଜାୟ ରଖିବାକୁ ବିଦ୍ୟାଳୟ ଓ ଗଣଶିକ୍ଷା ବିଭାଗର ପ୍ରମୁଖ ଶାସନ ସଚିବ ସତ୍ୟବ୍ରତ ସାହୁ ଏନେଇ ଜିଲ୍ଲା ଶିକ୍ଷା ଅଧିକାରୀ ଓ ଜିଲ୍ଲାପାଳଙ୍କୁ ଚିଠି ଲେଖିଛନ୍ତି । ଜିଲ୍ଲାସ୍ତରରେ ଖାଲିଥିବା ଶିକ୍ଷକଙ୍କ ତାଲିକା ପ୍ରସ୍ତୁତ କରିବେ DEO ।
ମାଧ୍ୟମିକ ବିଦ୍ୟାଳୟରେ ଚୁକ୍ତିଭିତ୍ତିକ ଶିକ୍ଷକମାନଙ୍କ ପଦବୀ ପୂରଣ ପାଇଁ ହିନ୍ଦୀ, ସଂସ୍କୃତ ଏବଂ ଶାରୀରିକ ଶିକ୍ଷା ଶିକ୍ଷକ ପୋଷ୍ଟ ଲାଗି ଦୁଇଟି ପର୍ଯ୍ୟାୟରେ ବିଜ୍ଞାପନ ପ୍ରକାଶିତ ହୋଇଥିଲା । ଟ୍ରେନିଂ ଗ୍ରାଜୁଏଟ୍, ଟ୍ରେନିଂ ଗ୍ରାଜୁଏଟ୍ ସାଇନ୍ସ (PCM & CBZ) ଏବଂ ତେଲୁଗୁ ଶିକ୍ଷକ ଲାଗି ପ୍ରକାଶ ପାଇଥିଲା ବିଜ୍ଞାପନ । ଜିଲ୍ଲା ଆବଣ୍ଟନ ପାଇଁ ପ୍ରାର୍ଥୀମାନେ ସେମାନଙ୍କର ତଥ୍ୟ ଅନଲାଇନରେ ଦାଖଲ କରିଛନ୍ତି ।