ଭୁବନେଶ୍ବର: ରାଜଧାନୀରେ ସୁରକ୍ଷିତ ନୁହନ୍ତି ଛାତ୍ରଛାତ୍ରୀ । ବିଭିନ୍ନ ସ୍କୁଲରେ ପଢୁଥିବା ଛାତ୍ରଛାତ୍ରୀ ସ୍କୁଲଯିବା ପାଇଁ ଅଟୋ ବା ବସ ଉପରେ ନିର୍ଭର କରନ୍ତି। କିନ୍ତୁ ଟଙ୍କା ଲୋଭରେ କିଛି ବସ୍ ଏବଂ ଅଟୋ ଚାଳକ ଅସୁରକ୍ଷିତ ଦୁର୍ଘଟଣାକୁ ଡାକି ଅଣୁଥିବା ଅଭିଯୋଗ ହୋଇଛି। ତେବେ ଏହି ଅଭିଯୋଗ ଆଧାରରେ ଅଟୋ ଚଳକଙ୍କୁ ନୋଟିସ ଜାରି କରାଯାଇଥିବା ଜଣା ପଡିଛି।
ସୂଚନା ମୁତାବକ, ରାଜ୍ୟ ସରକାର ଛାତ୍ରଛାତ୍ରୀଙ୍କ ସୁରକ୍ଷାକୁ ନେଇ ବିଭିନ୍ନ ଯୋଜନା କରୁଛନ୍ତି। କିନ୍ତୁ ସ୍କୁଲ ଛାତ୍ରଛାତ୍ରୀଙ୍କ ଦୁର୍ଘଟଣା ଖବର ସାମ୍ନାକୁ ଆସିବା ପରେ ଆରଟିଓ ପକ୍ଷରୁ ସ୍କୁଲ ଛାତ୍ରଛାତ୍ରୀଙ୍କ ପାଇଁ ବ୍ୟବହୃତ ୪୫ ଟି ଅଟୋ ଓ ବସକୁ ନୋଟିସ ଜାରି କରାଯାଇଥିଲା। ସେମାନଙ୍କୁ ଜୁଲାଇ 31 ସୁଦ୍ଧା ଆରଟିଓରେ ହାଜର ହେବାକୁ କୁହାଯାଇଥିଲା । କିନ୍ତୁ କୌଣସି ଗାଡି ଚାଳକ ଏପର୍ଯ୍ୟନ୍ତ ଆସିନଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର