ଭୁବନେଶ୍ବର: ରାଜଧାନୀ ରାଜରାସ୍ତାରେ ବିପର୍ଯ୍ୟସ୍ତ ହେବାରେ ଲାଗିଛି ପାର୍କିଂ ଅବସ୍ଥା । ସକାଳୁ ସନ୍ଧ୍ୟା ପର୍ଯ୍ୟନ୍ତ ରାସ୍ତାରେ ପାର୍କ ହେଉଛି ଅନେକ ଗାଡି । ଫଳରେ ରାସ୍ତା ଜାମ ହେବା ସହ ରାଜରାସ୍ତା ପାଲଟିଛି ମରଣଯନ୍ତା । ଏଦୃଶ୍ୟ ହେଉଛି ରାଜଧାନୀ ଦେଇ ଯାଇଥିବା 16ନଂ ଜାତୀୟ ରାଜପଥର । ଯେଉଁଠାରେ ଆରଟିଓ ଅଫିସ ସାମ୍ନାରେ ଦିନ ରାତି ଜମୁଛି ଭିଡ ।
ଏନେଇ ସ୍ଥାନୀୟ ଲୋକଙ୍କୁ ପଚରାଯିବାରୁ ସେମାନେ ପାର୍କିଂକୁ ନେଇ ଦେଖାଯାଉଥିବା ଦୈନିକ ସମସ୍ୟା ବିଷୟରେ କହିଥିଲେ । ସେମାନଙ୍କ କହିବା ଅନୁଯାୟୀ ପାର୍କିଂ ସମସ୍ୟାକୁ ଦୂର କରିବା ପାଇଁ ଦ୍ବିସ୍ତରୀୟ ପାର୍କିଂ ବ୍ୟବସ୍ଥା ସହ ଏକ ନୂତନ ଆରଟିଓ ଅଫିସ ବିଲ୍ଡିଂ ନିର୍ମାଣ କରାଯିବାର ଯୋଜନା ରହିଛି । କିନ୍ତୁ ଆଜି ପର୍ଯ୍ୟନ୍ତ ତାହା କାର୍ଯ୍ୟକ୍ଷମ ହୋଇପାରି ନାହିଁ । ଫଳରେ ପୂର୍ବରୁ ଯେମିତି ଲୋକେ ରାସ୍ତାରେ ଗାଡି ପାର୍କଂ କରୁଥିଲେ ଏବେ ବି ସମାନ ଦଶା ।