ଭୁବନେଶ୍ବର:ଏକାଦଶ ଓ ଅଷ୍ଟମ ଶ୍ରେଣୀ ଖୋଲିବା ନେଇ ଆସିଲା ଏସଓପି । ରାଜ୍ୟ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ଜାରି କରାଯାଇଛି ସ୍ବତନ୍ତ୍ର ଗାଇଡଲାଇନ ବା ଏସଓପି । ତେବେ ଅଷ୍ଟମ ଶ୍ରେଣୀ ପିଲାଙ୍କୁ ସ୍କୁଲରେ ମଧ୍ୟାହ୍ନ ଭୋଜନ ବ୍ୟବସ୍ଥାକୁ ବନ୍ଦ ରଖାଯାଇଛି । ଏହା ବଦଳରେ ରାସନ ପ୍ରଦାନ କରିବ ଗଣଶିକ୍ଷା ବିଭାଗ ।
ଆଜି ରାଜ୍ୟରେ ପୂଜା ଛୁଟି ପରେ ଅଷ୍ଟମ ଓ ଏକାଦଶ ଶ୍ରେଣୀ ଖୋଲିବା ନେଇ ସରକାର ଘୋଷଣା କରିଛନ୍ତି । ଏନେଇ ସ୍ବତନ୍ତ୍ର ଗାଇଡଲାଇନ ବା ଏସଓପି ପ୍ରସ୍ତୁତ କରିଛି ଗଣଶିକ୍ଷା ବିଭାଗ । ଆସନ୍ତା 21 ତାରିଖରେ ଏକାଦଶ କ୍ଳାସ ଅଫଳାଇନ ରେ ହେବାକୁ ରହିଥିବା ବେଳେ 25 ତାରିଖରେ ଅଷ୍ଟମ ଶ୍ରେଣୀ କ୍ଳାସ ରୁମ ରେ ପାଠ ପଢିବେ ଛାତ୍ର ଛାତ୍ରୀ। ଦିନ 10 ଟାରୁ ସାଢ଼େ ଗୋଟାଏ ଯାଏ ଚାଲିବ ଏକାଦଶ କ୍ଲାସ। ସକାଳ 9 ଟାରୁ ଦିନ ସାଢ଼େ 12ଟା ଯାଏ ଚାଲିବ ଅଷ୍ଟମ କ୍ଲାସ। ସ୍କୁଲରେ ଅଷ୍ଟମ ପିଲାଙ୍କୁ ଦିଆଯିବନି ମଧ୍ୟାହ୍ନ ଭୋଜନ। ଏହା ସହ ଉଭୟ ଅନଲାଇନ୍ ଏବଂ ଅଫଲାଇନ୍ କ୍ଲାସ୍ ଜାରି ରହିବ। ଛାତ୍ରଛାତ୍ରୀମାନେ ସେମାନଙ୍କର ଅଭିଭାବକଙ୍କ ପରାମର୍ଶରେ ଅଫଲାଇନ୍ କ୍ଲାସରେ ଯୋଗ ଦେବେ। ଅଷ୍ଟମ ଶ୍ରେଣୀର ଛାତ୍ରଛାତ୍ରୀମାନଙ୍କୁ କୌଣସି ରନ୍ଧା ହୋଇଥିବା ଖାଦ୍ୟ ପରିବେଷଣ କରାଯିବ ନାହିଁ। ତାହା ବଦଳରେ ଛାତ୍ରମାନଙ୍କୁ ପୂର୍ବରୁ ଦିଆଯାଇଥିବା ଶୁଖିଲା ରାସନ ପ୍ରଦାନ କରାଯିବ।