ଭୁବନେଶ୍ବର: ରାଜ୍ୟରେ ବଢିବାରେ ଲାଗିଛି କୋରୋନା ସୁସ୍ଥତା ହାର । ଏହିକ୍ରମରେ ଶନିବାର ରାଜ୍ୟରେ ଆହୁରି 229 ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ରାଜ୍ୟବାସୀଙ୍କ ପାଇଁ ଏହା ଅତି ଖୁସିର ଖବର କି ରାଜ୍ୟରେ ବର୍ତ୍ତମାନ ମୋଟ ସୁସ୍ଥ ସଂଖ୍ୟା 5934ରେ ପହଞ୍ଚିଛି । ଯାହା ରାଜ୍ୟରେ କୋରୋନା ମୁକାବିଲା ପାଇଁ ନୂଆ ଆଶା ଉଜ୍ଜିବୀତ କରିଛି ।
ଗତ କିଛି ଦିନ ହେବ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ହୁ ହୁ ହୋଇ ବଢିଚାଲୁଥିବା ବେଳେ ସୁସ୍ଥତା ହାର ରାଜ୍ୟବାସୀଙ୍କୁ ଆଶ୍ବସ୍ତ କରିଛି । ଏଯାବତ୍ ରାଜ୍ୟରେ ରେକର୍ଡ ହୋଇଥିବା ସୁସ୍ଥତା ସଂଖ୍ୟାରେ ଏହାର ସର୍ବାଧିକ । ଯେଉଁଥିରେ ଗତ 24 ଘଣ୍ଟାରେ 16 ଜିଲ୍ଲାର 229 ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।