ଭୁବନେଶ୍ବର: ରେଳଷ୍ଟେସନ ଟିକେଟ କାଉଣ୍ଟରରେ ଆରମ୍ଭ ହେଲା ରିଜର୍ଭ ଟିକେଟ ବୁକିଂ । ଆଜି ଠାରୁ ରେଳବିଭାଗର ଟିକେଟ କାଉଣ୍ଟରରେ ଆରମ୍ଭ ହୋଇଯାଇଛି ଟିକେଟ ସେବା । ଦେଶର ବଛାବଛା ରେଳ ଷ୍ଟେସନରେ ଅଫଲାଇନରେ ଆରମ୍ଭ ହୋଇଛି ଟିକେଟ ବୁକିଂ । 2ମାସ ଧରି କାଉଣ୍ଟରରେ ବନ୍ଦ ରହିଥିଲା ଏହି ଟିକେଟ ସେବା ।
ସଂରକ୍ଷିତ ଟିକେଟ କାଉଣ୍ଟର ସକାଳ 8 ଟା ସମୟରେ ଖୋଲାଯାଇଥିଲା । ଯାତ୍ରୀମାନେ ଟିକେଟ କିଣିବା ଆରମ୍ଭ କରିଛନ୍ତି । କିନ୍ତୁ କାଉଣ୍ଟରରେ ଟିକେଟ ରହିଥିଲେ ମଧ୍ୟ ବହୁତ କମ ଲୋକ ଆସିଥିବା ଦେଖିବାକୁ ମିଳିଥିଲା । ଦିନରେ ଅଧିକ ଲୋକ ଆସିବେ ବୋଲି ଆଶା କରାଯାଉଛି । ଭୁବନେଶ୍ବର ଷ୍ଟେସନରେ ଟିକେଟ କିଣୁଥିବା ବେଳେ ବହୁତ କାମ ଲୋକ କିଣିଥିବା ଜଣାପଡିଛି । ତେବେ ଟିକେଟ କାଉଣ୍ଟରରେ ସାମାଜିକ ଦୂରତା ରକ୍ଷା କରି ଟିକେଟ କିଣାଯାଉଛି । ଅନେକ ଲୋକ ଅଭିଯୋଗ ଆଣିଛନ୍ତି କି ଟିକେଟ କାଉଣ୍ଟରେ ଟିକେଟ ଉପଲବ୍ଧ ନାହିଁ । ଅନେକ ଟିକେଟ ଭୁବନେଶ୍ବରରୁ ମିଳୁନାହିଁ । ଯାହା ହାୱାଡାରୁ ଟିକେଟ ରିଜର୍ଭ କରିବାକୁ ପଡୁଛି । ଅନଲାଇନ ଅପେକ୍ଷା ଅଫଲାଇନରେ ଟିକେଟ କରାଯାଉଥିବାରୁ ବହୁତ ଲୋକ ଉପକୃତ ହେଉଛନ୍ତି । ଭୁବନେଶ୍ବରର ରେଳ କାଉଣ୍ଟରରୁ ପାଖାପାଖି 20ରୁ ଉର୍ଦ୍ଧ୍ବ ଲୋକ ଟିକେଟ ନେଇଛନ୍ତି ।