ଭୁବନେଶ୍ବର: ଏଣିକି ରେଳ ଲାଇନ ପାରି ହେଉଥିବା ଲୋକଙ୍କୁ ରେଳ ଯାଉଥିବା ସମୟରେ ଆଉ ରାସ୍ତାରେ ଅପେକ୍ଷା କରିବାକୁ ପଡିବନି । ବିଭାଗ ପକ୍ଷରୁ ଏ ନେଇ ଆରମ୍ଭ ହୋଇଛି ପ୍ରକ୍ରିୟା । ଏବେ ଲୋକ ରେଳ ଲାଇନ ତଳେ କିମ୍ବା ଉପରେ ଯିବେ । ଲୋକଙ୍କ ପାଇଁ ରେଳ ଲାଇନ ବାଧକ ହେବନି କିମ୍ବା ରେଳ ପାଇଁ ଲୋକ ବାଧକ ହେବେନି ।
ରେଳ ବିଭାଗର ବଡ଼ ନିଷ୍ପତି; ରେଲୱେ ଲେବଲ୍ କ୍ରସିଂ ହେବ ସବ-ଓ୍ଵେ
ରାଜ୍ୟରେ ୭୦ ଟି ସ୍ଥାନରେ ରେଳ ଲାଇନ ଦେଇ ଜାତୀୟ ଏବଂ ରାଜ୍ୟ ରାଜପଥ ଯାଇଛି । ଏସବୁ ସ୍ଥାନରେ ସବଓ୍ବେ କିମ୍ବା ଓଭର ଏବଂ ଅଣ୍ଡର ବ୍ରିଜ ଭଳି ବ୍ୟବସ୍ଥା ନିର୍ମାଣ କରିବ । ଏହାର ସମସ୍ତ ଖର୍ଚ୍ଚ ରେଳବାଇ ବହନ କରିବ । ଏନେଇ ଓଡିଶା ସରକାରଙ୍କ ଅନୁମତି ଲୋଡିଛି ରେଳବାଇ ବିଭାଗ । ସେପଟେ ଏଦିଗରେ ରେଳବାଇକୁ ସହଯୋଗ କରିବା ପାଇଁ ଜିଲ୍ଲାପାଳଙ୍କୁ ଚିଠି ଲେଖିଛି ପୂର୍ତ୍ତ ବିଭାଗ । ଦକ୍ଷିଣ-ପୂର୍ବ ରେଳବାଇ ତରଫରୁ ଆରମ୍ଭ କରାଯାଉଛି ଏହି କାର୍ଯ୍ୟ।