ଭୁବନେଶ୍ବର: ଦେଶର ସର୍ବତ୍କୃଷ୍ଟ ସେବା ସମ୍ମାନରେ ସମ୍ମାନିତ ହେଲେ ଓଡିଶାର ପ୍ରେମଲତା ବାରିକ । ସ୍ବାସ୍ଥ୍ୟ କ୍ଷେତ୍ରରେ ସେବା, ସମର୍ପଣ ଓ କର୍ତ୍ତବ୍ଯର ପରାକାଷ୍ଠାକୁ ନେଇ ପ୍ରେମଲତାଙ୍କୁ ଦିଆଗଲା ନ୍ୟାସନାଲ ଫ୍ଳୋରେନ୍ସ ନାଇଟଆଙ୍ଗଲ ଆୱାର୍ଡ । ରାଷ୍ଟ୍ରପତି ରାମନାଥ କୋବିନ୍ଦ ତାଙ୍କୁ ଏହି ସମ୍ମାନ ପ୍ରଦାନ କରିଛନ୍ତି । ସ୍ବାସ୍ଥ୍ୟ କ୍ଷେତ୍ରରେ ସେବାର ସମର୍ପଣକୁ ନେଇ ଦେଶର ୫୧ ଜଣ ବ୍ୟକ୍ତି ବିଶେଷଙ୍କୁ ରାଷ୍ଟ୍ରପତି ଏହି ସମ୍ମାନ ପ୍ରଦାନ କରିଥିବା ବେଳେ ଜଗତସିଂହପୁର କୁଜଙ୍ଗ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ କାର୍ଯ୍ୟ କରୁଥିବା ପ୍ରେମଲତା ବାରିକଙ୍କୁ ଭିଡିଓ କନଫରେନ୍ସ ମାଧ୍ୟମରେ ଏହି ସବ୍ରତ ସମ୍ମାନ ପ୍ରଦାନ କରିଛନ୍ତି ।
ସେବା ପାଇଁ ମିଳିଥିଲା ଏହି ସମ୍ମାନ ପରେ ପ୍ରେମଲତା ରାଷ୍ଟ୍ରପତିଙ୍କୁ ଧନ୍ଯବାଦ ଅର୍ପଣ କରିଥିବା ବେଳେ ରାଜ୍ୟର ସମସ୍ତ ସ୍ବାସ୍ଥ୍ୟକମୀଙ୍କୁ ସମର୍ପଣ କରିଛନ୍ତି। ଆଉ ଆଗକୁ ଯାଇ ଶିଶୁ ମୃତ୍ୟୁହାର ଓ ମାତୃ ମୃତ୍ୟୁହାର ହ୍ରାସ ଦିଗରେ କାର୍ଯ୍ୟ କରିବାର ପଣ କରିଥିବା ବେଳେ ଜାତୀୟ ଶିଶୁ ଅଧିକାର ଓ ମାତୃ ମୃତ୍ୟୁର ସଚେତନତା ଦିଗରେ କାର୍ଯ୍ୟ କରିବେ ବୋଲି କହିଛନ୍ତି। ଏହାସହ ଜାତୀୟ ସ୍ବାସ୍ଥ୍ୟ ମିଶନର ସମସ୍ତ ଉନ୍ନୟନମୂଳକ କାର୍ଯ୍ୟ କରିବେ ବୋଲି କହିଛନ୍ତି।