ଭୁବନେଶ୍ବର: ରାଜଧାନୀରେ ଫେଲ ମାରିଲା 'ମୋ ସରକାର' । ପୁଣି ପଦାରେ ପଡିଲା କ୍ୟାପିଟାଲ ହସ୍ପିଟାଲର ଦାୟିତ୍ବହୀନତା । ହସ୍ପିଟାଲରେ ବେଡ ନଥିବାରୁ ଡାକ୍ତରଖାନା ପରିସରରେ ପ୍ରସବ କଲେ ଗର୍ଭବତୀ । ବାରମ୍ବାର ଏଭଳି ଘଟଣା ଘଟିବା ପରେ ମଧ୍ୟ ହସ୍ପିଟାଲ କର୍ତ୍ତୃପକ୍ଷଙ୍କ ଚେତା ପଶୁନି । ଯାହାକୁ ନେଇ ଏକ ବଡ ପ୍ରଶ୍ନବାଚୀ ସୃଷ୍ଟି ହୋଇଛି ।
ପଦାରେ ପଡିଛି ସ୍ବାସ୍ଥ୍ୟ ସେବା
ଶୁକ୍ରବାର ବିଳମ୍ବିତ ରାତିରେ ନିମାପଡା ଅଞ୍ଚଳର ରୀନା ଭୋଇ କ୍ୟାପିଟାଲ ହସ୍ପିଟାଲ ଆସିଥିଲେ । ଲେବର ରୁମ ଡାକ୍ତର ରୀନାଙ୍କ ସ୍ବାସ୍ଥ୍ୟ ପରୀକ୍ଷା କରିବା ପରେ ସେଠାରୁ ଚାଲିଯାଇଥିଲେ । ହେଲେ ରାତିତମାମ ପ୍ରସବ ଯନ୍ତ୍ରଣାରେ ଛଟପଟ ହେଉଥିବା ରୀନାଙ୍କୁ ମିଳିନଥିଲା ବେଡ । ଆଉ ପ୍ରସୂତି ବେଦନା ସହି ନପାରି ବାହାରକୁ ଆସିଯାଇଥିଲେ ଗର୍ଭବତୀ ଜଣକ ।