ଭୁବନେଶ୍ବର: ଓଡ଼ିଆ ସଙ୍ଗୀତ ଜଗତରେ ଏକ ସଶ୍ରଦ୍ଧ ଉଚ୍ଚାରଣ ହେଉଛନ୍ତି ଗୀତିକାର ଓ ସଙ୍ଗୀତ ନିର୍ଦ୍ଦେଶକ ପ୍ରଶାନ୍ତ ପାଢ଼ୀ । ଦୀର୍ଘ 35 ବର୍ଷର ତାଙ୍କର ଏହି ସଙ୍ଗୀତ ଜୀବନ ଯାତ୍ରା ମଧ୍ୟରେ ସେ ଓଡ଼ିଶାର ଲୋକମାନଙ୍କୁ ଅନେକ ମେଲୋଡି ଓ ଫିଲ୍ମରେ ସୁନ୍ଦର ସୁନ୍ଦର ଗୀତ ଭେଟି ଦେଇଛନ୍ତି । ତେଣୁ ତାଙ୍କର ଏହି ଯାତ୍ରାକୁ ଆହୁରି ଆଗକୁ ବଢ଼ାଇ ନେବାକୁ ଏବଂ ତାଙ୍କୁ ଶୁଭେଚ୍ଛା ଜଣାଇବା ଉଦ୍ଦେଶ୍ୟରେ ତାଙ୍କର ଶୁଭେଛୁଙ୍କ ଦ୍ଵାରା ଆୟୋଜିତ ହୋଇଛି 'ଗୀତରେ ଗୀତରେ ପ୍ରଶାନ୍ତ ପାଢ଼ୀ'।
ସ୍ଥାନୀୟ ରବୀନ୍ଦ୍ର ମଣ୍ଡପରେ ଆୟୋଜିତ ଏହି ଉତ୍ସବରେ ବହୁ ବରିଷ୍ଠ ବ୍ୟକ୍ତିମାନେ ଯୋଗ ଦେଇ ତାଙ୍କୁ ଶୁଭେଚ୍ଛା ଜଣାଇଥିଲେ । ଏହା ସହିତ ତାଙ୍କ ରଚିତ , ନିର୍ଦ୍ଦେଶିତ ଗୀତ ଗୁଡିକୁ ଗାଇ ଉପସ୍ଥିତ ସ୍ରୋତାତାମାନଙ୍କୁ ମନୋରଞ୍ଜନର ଖୋରାକ ଯୋଗାଇଥିଲେ । ଏହି ଅବସରରେ ପ୍ରଶାନ୍ତ ପାଢ଼ୀ 1985 ମସିହାରୁ ଏହି ସଙ୍ଗୀତ ଶିଳ୍ପ ସହିତ ଜଡିତ ଥିବା କହିଥିବାବେଳେ ସର୍ବଦା ଲୋକମାନଙ୍କୁ ଉନ୍ନତ ଓ ମାର୍ଜିତ ଭାବରେ ମନୋରଞ୍ଜନର ଖୋରାକ ଯୋଗାଇ ଆସିଥିବା କହିଛନ୍ତି । ଯେଉଁଥିରେ ନିଜ ଭାଷା ଓ ସଂସ୍କୃତି ସମୃଦ୍ଧି ହୋଇ ପାରିବ ବୋଲି କହିଛନ୍ତି ।