ଭୁବନେଶ୍ବର: ଜନାଦେଶ ପରେ ଏବେ ଶପଥ ପାଠ କାର୍ଯ୍ୟକ୍ରମକୁ ନେଇ ଚର୍ଚ୍ଚା । ଆସନ୍ତା 29ତାରିଖରେ ଶପଥ ଗ୍ରହଣ ସମାରୋହ ହେବାକୁ ଯାଉଛି । ଏପଟେ କିନ୍ତୁ କେଉଁଠି ଶପଥ ନେବେ ନିର୍ବାଚିତ ଜନ ପ୍ରତିନିଧି ତାହାକୁ ଚହଳ ପଡିଲାଣି । ରାଜଭବନ ନା ପ୍ରଦର୍ଶନୀ ପଡିଆ ? କେଉଁଠି ହେବ ଶପଥ ଗ୍ରହଣ ଉତ୍ସବ ? ବର୍ତ୍ତମାନ ସୁଦ୍ଧା ଶପଥ ଗ୍ରହଣ ସମାରୋହ କେଉଁଠାରେ ହେବ ତାହା ସ୍ଥିର ହୋଇ ନଥିବାବେଳେ ଏପଟେ ସଜେଇ ହେଲାଣି ପ୍ରଦର୍ଶନୀ ପଡିଆ ।
ପ୍ରଦର୍ଶନୀ ପଡିଆକୁ ସଫାସୁତୁରା କରିବାକୁ ଲାଗି ପଡିଛନ୍ତି ଉଭୟ ବିଏମସି ଓ ପିଡବ୍ଲୁଡି ଅଧିକାରୀ । ତେବେ ବାତ୍ୟା ଫନି ଯୋଗୁଁ ଭାଙ୍ଗି ପଡିଥିବା ହଜାର ହଜାର ଗଛକୁ ଏକାଠି କରି ବିଏମସି ପ୍ରଦର୍ଶନୀ ପଡିଆରେ ଜମା କରିଥିଲା । କିନ୍ତୁ ଶପଥ ଗ୍ରହଣ ଉତ୍ସବ ପ୍ରଦର୍ଶନୀ ପଡିଆରେ ହେବା ନେଇ ଚର୍ଚ୍ଚା ହେବା ପରେ କାମରେ ଲାଗି ପଡିଛନ୍ତି ବିଏମସି କର୍ତ୍ତୃପକ୍ଷ । ବର୍ତ୍ତମାନ 100ଟି ହାଇୱା ଟ୍ରକ୍ ଓ 10ଟି ଜେସିବି ଦ୍ଵାରା ସଫା କରଯାଉଛି । ବାରମ୍ବାର ବିଭିନ୍ନ ବିଭାଗର ଅଧିକାରୀମାନେ ପଡିଆ ପରିଦର୍ଶନରେ ଆସି ତନଖି କରି ଯାଉଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ