ଭୁବନେଶ୍ବର: ସ୍ମାର୍ଟସିଟିରେ ଧିମେଇଯାଉଛି ଜଳାଶୟର ସୌନ୍ଦର୍ଯ୍ୟକରଣ କାମ । କଚ୍ଛପ ଗତିରେ ଚାଲୁଛି ପୁନଃରୁଦ୍ଧାର । କୋଟି କୋଟି ଟଙ୍କା ଖର୍ଚ୍ଚ ପରେ ବି ସୁବିଧା ପାଉନାହାଁନ୍ତି ଲୋକେ ।
ଜଳାଶୟର ସୌନ୍ଦର୍ଯ୍ୟକରଣ ଭେଳିକି, କଚ୍ଛପ ଗତିରେ ଚାଲୁଛି ପୁନଃରୁଦ୍ଧାର କାମ
ଏହେଉଛି ଲକ୍ଷ୍ମୀସାଗର ୱାର୍ଡ ନମ୍ବର 43ରେ ଥିବା ଫିସରି ପଣ୍ଡର ଦୃଶ୍ୟ । ବହୁ ବର୍ଷ ତଳେ ପ୍ରାୟ 20 ଏକର ଜମିରେ ଖୋଳାଯାଇଥିଲା ଏହି ଜଳାଶୟ । 2017 ମସିହାରେ ଏହାର ପୁନଃରୁଦ୍ଧାର କାମ ଆରମ୍ଭ ହୋଇଥିଲେ ବି ଏଯାବତ ସରିବାର ନାଁ ଧରୁନି । ଦଳ ଭର୍ତ୍ତି ହୋଇ ଜଳାଶୟ ପୋତି ହେବାକୁ ବସିଲାଣି । ସେହିପରି ଦଳଭର୍ତ୍ତି ପୋଖରୀ ଦେଖି ସମସ୍ତ ଅଳିଆ ଆବର୍ଜନାକୁ ଲୋକେ ଏହାରି ଭିତରକୁ ଛାଡୁଛନ୍ତି । ଫଳରେ ଦୁର୍ଗନ୍ଧ ହେବା ସହ ମଶା ମାଛିଙ୍କ ସ୍ବର୍ଗ ପାଲଟିଛି ଏହି ଜଳାଶୟ ।