ଭୁବନେଶ୍ବର: ରାଜ୍ୟସଭାରେ ନବୀନଙ୍କୁ ଖୋଲାଖୋଲି ପ୍ରଶଂସା କରିଛନ୍ତି ମୋଦି । ଦେଶରେ କୋଇଲା ଓ ଖଣି କ୍ଷେତ୍ରରେ ବ୍ୟାପକ ସଂସ୍କାର କରାଯାଇଛି । ଏହି ସଂସ୍କାର ପ୍ରକ୍ରିୟା କାର୍ଯ୍ୟାକାରୀ କରିବାରେ ଓଡିଶା ଆଗୁଆ ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏ କ୍ଷେତ୍ରରେ ପ୍ରମୁଖ ଭୂମିକା ଗ୍ରହଣ କରିଥିବା ନେଇ ପ୍ରଧାନମନ୍ତ୍ରୀଙ୍କ ପ୍ରଶଂସା ପରେ ରାଜ୍ୟ ବିଜେପି ପଡିଛି ଅକଳରେ । ବିଭିନ୍ନ ପ୍ରସଙ୍ଗକୁ ନେଇ ଅନେକ ସମୟରେ ବିଜେଡିକୁ ଶାଣିତ ଆକ୍ରମଣ କରୁଥିବା ଏହି ବିରୋଧି ଦଳ ଏବେ ଚୁପ୍ ବସିଛି ।
ପ୍ରଶଂସା ରାଜନୀତି: ରାଜ୍ୟରେ ଟଣାଓଟରା, କେନ୍ଦ୍ରରେ କୋଳାକୋଳି
ନବୀନଙ୍କୁ ମୋଦିଙ୍କ ପ୍ରଶଂସା ପରେ ପ୍ରତିକ୍ରିୟା ରଖିଛନ୍ତି ଶାସକ ନେତା । ଖଣି କ୍ଷେତ୍ରରେ ଯେଉଁ ସଂସ୍କାର ଆସିଛି ସେଥିରେ ଓଡ଼ିଶାର ପ୍ରଦର୍ଶନ ଖୁବ ଭଲ । ମୁଖ୍ୟମନ୍ତ୍ରୀଙ୍କ ନେତୃତ୍ବରେ ଅନେକ ସଂସ୍କାର ଅଣାଯାଇଛି । ତେଣୁ ଯାହା ସତ୍ୟ ତାହା ପ୍ରଧାନମନ୍ତ୍ରୀ ସଂସଦରେ କହିଥିବା ବିଜେଡି କହିଛି ।