ଭୁବନେଶ୍ବର: କ୍ୟାମେରା ମ୍ୟାନ ମାନସ ସ୍ବାଇଁ ହତ୍ୟା ମାମଲାର ମାଷ୍ଟର ମାଇଣ୍ଡ କୁହାଯାଉଥିବା ୱେବ ପୋର୍ଟାଲ ମାଲିକାଣୀ ଶର୍ମିଷ୍ଠା ରାଉତ ପ୍ରମାଣ ନଷ୍ଟ ଉଦ୍ଦେଶ୍ୟରେ ଚଳାଇଛି ଚକ୍ରାନ୍ତ । ଫୋନ କରି ସିସିଟିଭି ଭିଜୁଆଲ ଡିଲିଟି ପାଇଁ ଶର୍ମିଷ୍ଠା ଚାପ ପକାଉଥିବା ଅଭିଯୋଗ ହୋଇଛି । ହତ୍ୟାକାଣ୍ଡ ଘଟିଥିବା ଦୟାଲ ଆଶ୍ରମ ନିକଟରେ ଥିବା ଜଣେ ବ୍ୟକ୍ତିଙ୍କୁ ଫୋନ କରି ହାର୍ଡ ଡିସ୍କ ବଦଳାଇବାକୁ ଚାପ ପକାଉଥିବାର ସୁରାକ ପାଇ ତଦନ୍ତ କରିଛି ପୋଲିସ ।
କ୍ୟାମେରା ମ୍ୟାନ ମାନସ ସ୍ବାଇଁ ହତ୍ୟା ମାମଲା, ହାର୍ଡ ଡିସ୍କ ଜବତ କଲା ପୋଲିସ
କମିଶନରେଟ ପୋଲିସ ତଦନ୍ତ କରି ଦୟାଲ ଆଶ୍ରମ ପାଖରେ ଥିବା ଏକ ବିଲ୍ଡିଂରୁ ସିସିଟିଭି ହାର୍ଡଡିସ୍କ ଜବତ କରିଥିବା ଜଣାପଡିଛି । ତେବେ ହତ୍ୟାକାଣ୍ଡଟି ଗତ ମାସ ୭ ତାରିଖରେ ଘଟି ଥିବାବେଳେ ଚଳିତ ମାସ ୯ ତାରିଖରେ ପୋଲିସ ସୁରାକ ପାଇଛି । ତେଣୁ ହାର୍ଡଡିସ୍କରେ ୧୫ ଦିନର ଫୁଟେଜ ଥିବାବେଳେ ପୁରୁଣା ଫୁଟେଜ ରିଟ୍ରାଇଭ ପାଇଁ ପ୍ରୟାସ ଚଳାଇଛି ପୋଲିସ ।