ଭୁବନେଶ୍ବର: ଦିନ ହଉ କି ରାତି ବୁଲେଟ ରୋମିଓଙ୍କ ଉପରେ ଲଗାମ ଲଗାଇଛି ଟ୍ରାଫିକ ପୋଲିସ । ରାଜଧାନୀର ବିଭିନ୍ନ ସ୍ଥାନରେ ବିକଟାଳ ଶବ୍ଦ କରୁଥିବା ଗାଡି ଗୁଡିକର ସାଇଲେନ୍ସର ଜବତ କରିବା ସହ 500 ଟଙ୍କା ଆଦାୟ କରିଛି କମିଶନରେଟ ପୋଲିସ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସୂଚନାଯୋଗ୍ୟ, ଗତ କିଛି ଦିନ ଧରି ବୁଲେଟଧାରୀ ମାନେ ସାଇଲେନ୍ସରରୁ ଶ୍ରୃତି କଟୁ ଶବ୍ଦ ସହ ନିଆଁ ବାହାର କି ରାସ୍ତାରେ ଏକ ପ୍ରକାର ଭୟ ସୃଷ୍ଟି କରୁଛନ୍ତି । ଏହା ସହ ବିକଟାଳ ଶବ୍ଦରେ ଅତିଷ୍ଠ ହୋଇପଡିଲେଣି ରାଜଧାନୀବାସୀ । ଶବ୍ଦ ପ୍ରଦୂଷଣ ହେବା ସହ ଏହାର ବେଗ ଅତି ଦୃତ ଥିବାରୁ ଦୁର୍ଘଟଣା ଘଟିବାର ସମ୍ଭାବନା ମଧ୍ୟ ରହିଛି । ଯେଉଁଥିପାଇଁ ପୋଲିସ ପକ୍ଷରୁ ଏଭଳି ସ୍ବାଗତଯୋଗ୍ୟ ପଦକ୍ଷେପ ନିଆଯାଇଛି ।