ଭୁବନେଶ୍ବର: ପାଟକୁରା ନିର୍ବାଚନ ପାଇଁ ପାଞ୍ଚଦିନ ବାକି । ପ୍ରଚାର ସରଗରମ । ପ୍ରାର୍ଥୀମାନେ ଘରକୁ ଘର ବୁଲି ଚଳାଇଛନ୍ତି ପ୍ରଚାର । କେଉଁଠି ପଦଯାତ୍ରା ତ ଆଉ କେଉଁଠି ପଥପ୍ରାନ୍ତ ସଭା କରି ଭୋଟରଙ୍କୁ ନିଜ ଆଡକୁ ଢଳାଉଛନ୍ତି ।
ତେବେ ବିଜେଡି ପ୍ରଚାର ସମୟରେ ଛାତ୍ର ଓ ଯୁବ ଭୋଟରଙ୍କୁ ଟାର୍ଗଟେ କରିଥିବାବେଳେ ବିଜେପି ନିଜ କର୍ମୀଙ୍କୁ ଏକଜୁଟ କରିବାରେ ଲାଗିଛି । ଅନ୍ୟପକ୍ଷରେ ଦଳର ପୁରୁଖା ନେତାଙ୍କୁ ପ୍ରଚାରରେ ଲଗାଇଛି କଂଗ୍ରେସ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ବିଜେଡି ନିଜ ନେତାଙ୍କୁ ନେଇ ପାଟକୁରା, ଗରଦପୁର ଓ ଡେରାବିଶରେ ଡେରା ପକାଇଛି । ନିଜ ସପକ୍ଷରେ ଭୋଟ ଭିକ୍ଷା କରି ପ୍ରାର୍ଥୀ ସାବିତ୍ରୀ ଅଗ୍ରୱାଲଙ୍କୁ ଜିତାଇବା ପାଇଁ ପ୍ରୟାସ ଚଲାଇଛି । ସେପଟେ ବିଜେପି ମଧ୍ୟ ପଛରେ ପଡିନାହିଁ । ବିଜୟ ମହାପାତ୍ରଙ୍କୁ ବିଜୟ କରାଇବା ପାଇଁ ଦଳ ରଣନୀତି କରିବା ସହ ଦଳର ହେଭିୱେଟ ପ୍ରଚାର ମୈଦାନକୁ ଓହ୍ଲାଇଛନ୍ତି ।