ରାଜଧାନୀରେ ନିଶାଡି ଗ୍ୟାଙ୍ଗର ପର୍ଦ୍ଦାଫାଶ, ନିଶା ଦେଇ ଯାତ୍ରୀଙ୍କଠୁ ଲୁଟୁଥିଲେ ସର୍ବସ୍ବ

ରାଜଧାନୀରେ ମାତିଛନ୍ତି ନିଶା ଦିଆ ଲୁଟେରା ଗ୍ୟାଙ୍ଗ। ଏମିତି ଏକ ଗ୍ୟାଙ୍ଗ ଧରାପଡିଛନ୍ତି କମିଶନରେଟ ପୋଲିସ ହାତରେ। ଅଧିକ ପଢନ୍ତୁ..

ଭୁବନେଶ୍ବର: ଟ୍ରେନ ବା ବସରେ ଆସୁଥିଲେ ହୁସିଆର। କାରଣ ରାଜଧାନୀରେ ମାତିଛନ୍ତି ନିଶା ଦିଆ ଲୁଟେରା ଗ୍ୟାଙ୍ଗ। ଯାହାଙ୍କ ହାବୁଡ଼ରେ ପଡିଲେ ଆପଣ ବି ହରାଇ ପାରନ୍ତି ସର୍ବସ୍ବ। କାରଣ ଏମିତି ଏକ ଗ୍ୟାଙ୍ଗ ଧରାପଡିଛନ୍ତି କମିଶନରେଟ ପୋଲିସ ହାତରେ।

ନୟାଗଡ଼ର ସିମାଞ୍ଚଳ ସୁବୁଦ୍ଧି ଓ ସୁଶାନ୍ତ ରାଉତ ନାମକ ଦୁଇ ନିଶାଡି ଗ୍ୟାଙ୍ଗର ସଦସ୍ୟ ଧରାପଡିଛନ୍ତି ପୋଲିସ ହାତରେ। ଏମାନଙ୍କଠୁ 1 ଲକ୍ଷ 8 ହଜାର ୬୨୦ଟଙ୍କା ସହ ୪ଟି ମୋବାଇଲ ଫୋନ, ଗୋଟିଏ ବାଇକ, ଗୋଟିଏ ସୁନାଚେନ, ଦୁଇଟି ମୁଦି, ନିଶା ବଟିକା ଓ ସିମକାର୍ଡ଼ ଜବତ କରାଯାଇଛି ।

ଏମାନଙ୍କ ନାଁରେ ରହିଛି ଖଣ୍ଡଗିରି ଥାନାରେ ୫ଟି କେସ । ସେହିପରି ଜିଆରପି ଅନ୍ୟାନ୍ୟ ଥାନାରେ ରହିଛି ଏପରି ମାମଲା। ବିଶେଷ କରି ରେଳ ଷ୍ଟେସନ ଓ ବସଷ୍ଟାଣ୍ଡରେ ଏମାନେ ସେମାନଙ୍କ ଅପରେସନ କରନ୍ତି । ବିଶ୍ବାସ ଜନ୍ମାଇ ବା ବନ୍ଧୁତାର ପରିଚୟ ସୃଷ୍ଟିକରି ଖାଦ୍ୟ ବା ପାନୀୟ ବା ଚା କିମ୍ବା ପାଣିରେ ନିଶା ମିଶାଇ ଏକୁଟିଆ ସ୍ଥାନକୁ ନେଇ ଜିନିଷ ନେଇ ଫେରାର ହୁଅନ୍ତି ଏହି ଲୁଟେରା ଗ୍ୟାଙ୍ଗ ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ