‘ବେସରକାରୀ ବିଦ୍ୟାଳୟକୁ ନିୟନ୍ତ୍ରିତ କରିବା ପାଇଁ ଅଣାଯାଉ ଆଇନ’

ରାଜ୍ୟରେ ବେସରକାରୀ ଶିକ୍ଷାନୁଷ୍ଠାନ ଗୁଡ଼ିକ ବିଭିନ୍ନ ଉପାୟରେ ଅଭିଭାବକମାନଙ୍କୁ ଶୋଷଣ କରୁଛନ୍ତି । ମନଇଛା ନିଷ୍ପତ୍ତି ନେଉଛନ୍ତି । ଯାହାକୁ ଗ୍ରହଣ କରିବାକୁ ବାଧ୍ୟ ହେଉଛନ୍ତି ଅଭିବାଭକ । ଏହାର ବିରୋଧରେ ସର୍ବ ଭାରତୀୟ ଅଭିଭାବକ ମହାସଙ୍ଘ ଓଡିଶା ଶାଖା ପକ୍ଷରୁ ଦାବି ପ୍ରଦାନ କରାଯିବ ।

ଭୁବନେଶ୍ବର: ରାଜ୍ୟରେ ଦିନକୁ ଦିନ ସରକାରୀ ଶିକ୍ଷାନୁଷ୍ଠାନ ଗୁଡିକ ରୁଗ୍ଣ ହୋଇ ବନ୍ଦ ହୋଇ ଯାଉଥିବା ବେଳେ ବେସରକାରୀ ଶିକ୍ଷାନୁଷ୍ଠାନ ବଢି ଚାଲିଛି। ଏହା ସହିତ ସେମାନେ ବିଭିନ୍ନ ଉପାୟରେ ଅଭିଭାବକମାନଙ୍କୁ ଶୋଷଣ କରୁଥିବାବେଳେ ସରକାରଙ୍କ ତାଙ୍କ ଉପରେ କୌଣସି ଅଙ୍କୁଶ ରହୁ ନାହିଁ।

ଫଳରେ ସେମାନେ ମନ ଇଚ୍ଛା ଫି ବୃଦ୍ଧି କରିବା, ନିର୍ଦ୍ଧାରିତ ସମୟରେ ନ ଦେଲେ ପିଲାମାନଙ୍କ ଉପରେ ଅତ୍ୟାଚର କରିବା ଆଦି ଅନେକ ସମୟରେ ଦେଖିବାକୁ ମିଳୁଛି। ତେଣୁ ସରକାର ଶିକ୍ଷା ଅଧିକାର ଆଇନ ଲାଗୁ କରିବା ସହ ବେସରକାରୀ ଶିକ୍ଷାନୁଷ୍ଠାନ ଗୁଡିକୁ ନିୟନ୍ତ୍ରଣ କରିବା ପାଇଁ ସର୍ବ ଭାରତୀୟ ଅଭିଭାବକ ମହାସଙ୍ଘର ଓଡିଶା ଶାଖା ପକ୍ଷରୁ ଦାବି କରାଯାଇଛି।

ସ୍ଥାନୀୟ ଇମେଜ ସଭାକକ୍ଷରେ ଏହା ଉପରେ ଆୟୋଜିତ ଦୁଇ ଦିନିଆ ରାଜ୍ୟସ୍ତରୀୟ କର୍ମଶାଳାର ଶେଷ ଦିନରେ 10 ଟି ଦାବି ଉପରେ ସହମତି ପ୍ରକାଶ ପାଇଥିବା ରାଜ୍ୟ ଶାଖା ସଭାପତି ପ୍ରଦୀପ୍ତ ନାୟକ ପ୍ରକାଶ କରିଛନ୍ତି। ଯାହାକୁ କାର୍ଯ୍ୟକାରୀ କରାଯିବ ନେଇ ଗଣଶିକ୍ଷା ମନ୍ତ୍ରୀ, ମୁଖ୍ୟମନ୍ତ୍ରୀ ଓ ରାଜ୍ୟପାଳଙ୍କୁ ଦାବିପତ୍ର ପ୍ରଦାନ କରାଯିବ ବୋଲି ସେ କହିଛନ୍ତି।

ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ