ଭୁବନେଶ୍ବର: ପୁରୀ ଆର୍ଟିଷ୍ଟ ଆସୋସିଏସନ ପକ୍ଷରୁ ରବିନ୍ଦ୍ରମଣ୍ଡପରେ ଆୟୋଜିତ ହୋଇଯାଇଛି ପଞ୍ଚମବେଦ ନାଟକ ଉତ୍ସବ । ନାଟକର ତୃତୀୟ ସନ୍ଧ୍ୟାରେ ମଞ୍ଚସ୍ତ ହୋଇଥିଲା "ନିର୍ଜୀବ ଘୋଡା" । ଯାହାକୁ ପ୍ରଦୀପ କୁମାର ପ୍ରଧାନ ରଚନା କରିଥିବାବେଳେ
ନିର୍ଦେଶନା ଦେଇଥିଲେ ରାମକୃଷ୍ଣ ମହାପାତ୍ର ।
ତେବେ ଜଣେ ଜଣେ ଆଦର୍ଶ ଶିକ୍ଷକ କିପରି ନୀତି ଆଦର୍ଶରେ ଅନୁପ୍ରାଣିତ ହୋଇ ଛାତ୍ରଛାତ୍ରୀଙ୍କୁ ଭଲ ମଣିଷ କରିବାକୁ ସର୍ବଦା ଚେଷ୍ଟା ଜାରି ରଖିଥାଏ। ଏହାସହ ଯେତେ ଦୁଃଖ କଷ୍ଟ ଆସିଲେ ସୁଦ୍ଧା ସେ ଅନ୍ୟ ଆଗରେ ତାହା ପ୍ରକାଶ କରିବାକୁ କୁଣ୍ଠାବୋଧ ପ୍ରକାଶ
କରେ ।
ନୀତି ଆଦର୍ଶ ମାନି ଚାଲୁଥିବା ଶିକ୍ଷକଙ୍କୁ ଅନେକ ସମୟରେ କିପରି ନିର୍ଜୀବ ଘୋଡା ଭଳି ଗଧ ଖଟିବାକୁ ପଡେ ତାହା ଆଜିର ନାଟକ "ନିର୍ଜୀବ ଘୋଡା"ରେ ବେଶ ପ୍ରାଞ୍ଜଳ ଭାବେ କଳାକାରମାନେ ଉପସ୍ଥାପନ କରିଥିଲେ । ରାଷ୍ଟ୍ରପତି ପୁରସ୍କାର ପ୍ରାପ୍ତ ଶିକ୍ଷକ ସୁଧୀର ମିଶ୍ର ଶିକ୍ଷାଦାନ ସହିତ କିପରି ସରକାରଙ୍କ ଅଣଶୈକ୍ଷିକ କାର୍ଯ୍ୟରେ ପେଷି ହୋଇଯାଇଛନ୍ତି ।
ବିଏଲଓ,ବିପିଏଲ,ମଧ୍ୟାନ ଭୋଜନ,ରିଲିଫ ,ଜନଗଣନା,ପାଇଖାନା ସଫା ଇତ୍ୟାଦି କାମ ତା ଉପରକୁ ରାଜନୈତିକ ଲୋକଙ୍କ କଥାରେ ହଁ ରେ ହଁ ମାରିବାକୁ ତାଗିଦ । ପରିଣାମ ସ୍ବରୂପ ଘରେ ପିଲା ଛୁଆଙ୍କ ଉପରେ ନିଜର ରାଗ ସାରନ୍ତି ସିନା ହେଲେ ସରକାରଙ୍କ ନିକଟରେ କିଛି କହି ନ ପାରି ନିର୍ଜୀବ ଘୋଡା ପାଲଟି ଯାଆନ୍ତି ତାହା ଥିଲା ନାଟକର ବିଷୟବସ୍ତୁ ।
ଭୁବେନଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ