ଭୁବନେଶ୍ବର: ବିଶ୍ବ ପ୍ରସିଦ୍ଧ ରଥଯାତ୍ରା ପାଇଁ ଦେଶ ବିଦେଶରୁ ଛୁଟୁଛି ଶ୍ରଦ୍ଧାଳୁଙ୍କ ସୁଅ । ଆଉ ଏହି ଅତିଥି ମାନଙ୍କୁ ଜଗନ୍ନାଥ ସଂସ୍କୃତି ସମ୍ପର୍କରେ ଜଣାଇବା ପାଇଁ ବିଜୁ ପଟ୍ଟନାୟକ ବିମାନ ବନ୍ଦରରେ ଆୟୋଜିତ ହୋଇଛି ଚିତ୍ରକଳା ପ୍ରଦର୍ଶନୀ । ଲଳିତ କଳା ଏକାଡେମୀ ଓ ବିମାନ ବନ୍ଦରର ମିଳିତ ସହଯୋଗରେ ଏହି ଚିତ୍ରକଳା ପ୍ରଦର୍ଶିତ କରାଯାଉଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଏହି ଚିତ୍ରକଳା ମାଧ୍ୟମରେ କୋଟି ଓଡିଆ ପ୍ରାଣର ଆରାଧ୍ୟ ଦେବତା ଜଗନ୍ନାଥଙ୍କ ଧର୍ମ ,ସଂସ୍କୃତି ଓ ଭିନ୍ନ ଭିନ୍ନ ରୂପକୁ ଚିତ୍ରକଳା ମାଧ୍ୟମରେ ପ୍ରଦର୍ଶିତ କରାଯାଇଛି । ତେବେ ଏହି ଚିତ୍ରକଳା ଗୁଡିକୁ ରାଜ୍ୟର ୩୦ ଜଣ ଶିଳ୍ପୀ ତିଆରି କରିଛନ୍ତି । ଏହି ଅବସରରେ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକଙ୍କ ବିଶ୍ବ ପ୍ରସିଦ୍ଧ ରଥଯାତ୍ରାକୁ ବାଲୁକା କଳା ମାଧ୍ୟମରେ ପ୍ରଦର୍ଶିତ କରାଯାଇଛି ।